მეცნიერები თვლიან, რომ იოგურტების რეგულარულ მოხმარებას შეუძლია შეამციროს კარიესის განვითარება ბავშვებში. იაპონიაში ჩატარებული კვლევის შედეგების მიხედვით, ბავშვები რომლებიც მიირთმევდნენ დიდი რაოდენობით რძის ნაწარმს (სულ მცირე, კვირაში ოთხჯერ მაინც), 22%-ით ნაკლებად უჩიოდნენ კბილებთან დაკავშირებულ პრობლემებს იმათთან შედარებით, ვინც ამას აკეთებდა უფრო იშვიათად, ვიდრე კვირაში ერთჯერ.
ექსპერტებმა ფუკუოკისა და ტოკიოს უნივერსიტეტებიდან გამოიკვლიეს სამ წლამდე ასაკის ორი ათასზე მეტი ბავშვი. მათ ასევე ჩაუტარეს გამოკითხვა მშობლებს, რათა გაეგოთ, რას მიირთმევენ მათი შვილები. ამის შემდეგ სტომატოლოგებმა შეაფასეს თითოეული ბავშვის კბილების მდგომარეობა. შედეგებმა აჩვენა, რომ არსებობს მკაფიო კავშირი იოგურტის მოხმარებასა და კარიესის უფრო ნაკლებად გავრცელებას შორის.
ამავდროულად, სხვა მსგავსი პროდუქტები, როგორიცაა კარაქი, ყველი და რძე, არანაირად არ მოქმედებდნენ კბილების მდგომარეობაზე. მეცნიერები ვარაუდობენ, რომ ეს დაკავშირებულია ცილებთან, რომლებიც შედის მხოლოდ იოგურტის შემადგენლობაში. ისინი ამაგრებენ კბილის ემალს და იცავენ მას მავნე მჟავების ზემოქმედებისაგან.
აღნიშნულმა კვლევამ დაამტკიცა უფრო ადრე ავსტრალიელი სპეციალისტების მიერ ჩატარებული ცდის შედეგები. მათ შეისწავლეს იოგურტის ზემოქმედება კბილებზე. აღმოჩნდა, რომ იოგურტი იცავს კბილებს დაზიანებისაგან. ამავე დროს სპეციალისტები დიდი ბრიტანეთიდან გვაფრთხილებენ, რომ ზოგიერთი იოგურტი შეიცავს შაქარს, რის გამოც მისი მოხმარებისას შეიძლება კარიესის განვითარების რისკი გაიზარდოს.
http://Medicine.newsru.com
2010.06.08
