ახალი კვლევის თანახმად, კანის ჯანსაღი ოქროსფერი შეფერილობის მისაღებად უნდა მიირთვათ მეტი ხილი და ბოსტნეული. კანის ფერს აუმჯობესებს ნესვი, გარგარი, წიწაკა, სტაფილო, ისპანახი. თუკი ამ პროდუქტებით გავამდიდრებთ რაციონს, შეიძლება უკვე ერთ თვეში მივიღოთ კარგი შედეგი.
ბრისტოლის უნივერიტეტის თანამშრომლის იან სტეფანის აზრით, კანის შესანიშნავი ფერის საიდუმლო იმალება ნატურალურ ქიმიურ კაროტენოიდებში. კაროტენოიდები - ეს არის 600 ორგანული პიგმენტისაგან შემდგარი ჯგუფი, რომელიც მრავალი მცენარის შემადგენლობაშია.
სტეფანმა შეისწავლა ბეტა-კაროტინის ეფექტურობა მწვანე და ნარინჯისფერ ხილსა და ბოსტნეულში კანის შემდგომი შეფერილობის ცვლილების თვალსაზრისით.
მან სთხოვა მოხალისეებს შეედარებინათ კავკასიელების ფოტოები ხილითა და ბოსტნეულით დატვირთული ხუთდღიანი დიეტის დაწყებამდე და მის შემდეგ.
”ჩვენ აღმოვაჩინეთ, რომ გამოკითხული ადამიანები ამჯობინებდნენ დიეტის წყალობით განვითარებულ კანის ოქროსფერ შეფერილობას. ანალოგიური სიტუაცია განმეორდა ასევე ოქროსფერი კანისა და მზეზე გარუჯვის შედეგად მიღებული მუქი ფერის ნამზეურის შედარების შემდეგაც”, - ამბობს სტაფანი.
მეცნიერი ასე განმარტავს: ”ადამიანებს გააჩნიათ ორი პიგმენტი, რომელიც პასუხიმგებელია კანის ოქროსფერ შეფერილობაზე - მელანინი და კაროტენოიდი. პირველი დაკავშირებულია ულტრაიისფერი სხივების ზეგავლენასთან, ხოლო მეორე - განსაზღვრული სახის ხილთან და ბოსტნეულთან.”
ამ ბოლო დროს კანის კიბოს განვითარების რისკის ზრდის გათვალისწინებით, კანის ოქროსფერი შეფერილობა შეიძლება გახდეს შოკოლადისფერი ნამზეურის კარგი ალტერნატივა. ამასთან ერთად, კვლევის შედეგები შეიძლება გახდეს სტიმული რაციონში დიდი რაოდენობით ხილ-ბოსტნეულის ჩასართავად. სწორედ ამისათვის იბრძვიან დღეს მთელი მსოფლიოს დიეტოლოგები.
http://Medicine.newsru.com
2010.05.28
