ჟურნალში “AIDS Research and Human Retroviruses” გამოქვეყნებული სტატიის მიხედვით, აივ-დაინფიცირებულ ინდივიდებში, რომლებიც ყოველდღიურად მოიხმარენ ორ ან მეტ ჭიქა სასმელს, შეინიშნება დაავადების პროგრესირების აჩქარების ტენდენცია.
ნაშრომი ნათლად ავლენს, რომ ალკოჰოლის ხშირი მოხმარება, რომელიც განისაზღვრება ყოველდღიურად ორი ან მეტი ჭიქა სასმელის მიღებით, ასოცირდება CD4 უჯრედების რაოდენობის შემცირებასთან (იმუნური სისტემის დასუსტების მაჩვენებელი) აივ-ინფიცირებულებში, რომლებიც იტარებენ ან არ იტარებენ ანტივირუსულ მკურნალობას (ART). 30-თვიანი პროსპექტული კვლევის შედეგების საფუძველზე, ავტორებმა დაასკვნეს, რომ ალკოჰოლს გააჩნია პირდაპირი ეფექტი CD4 უჯრედებზე და ამ უჯრედების დაჩქარებული შემცირება არ არის დამოკიდებული ანტივირუსულ მკურნალობაზე.
სხვა სტატია აჩვენებს, რომ ბავშვებს, რომლებიც დაინფიცირებულნი არიან დედიდან-ნაყოფზე გადაცემის გზით, იმყოფებიან ART-ზე და არ უვლინდებათ აივ-ვირუსი სისხლში, მაინც ახდენენ აივ-ვირუსის მანეიტრალიზებელი ანტისხეულების პროდუცირებას, სავარაუდოდ, სხეულში ვირუსის რეპლიკაციის დაბალი დონის არსებობის გამო, მედიკამენტოზური თერაპიის მიუხედავად. სტატიაში ავტორები წარმოადგენენ მონაცემებს, რომელიც ადასტურებს მათ დასკვნას იმის შესახებ, რომ ბავშვების CD4 T-უჯრედები შეიცავს აივ-ლატენტურ რეზერვუარებს, რომელიც ფორმირდება სიცოცხლის ადრეულ პერიოდში, ანტივირუსული თერაპიის დაწყებამდე.
http://www.elements4health.com
2010.05.18
