გასახდომად მოწოდებული უახლესი მეთოდოლოგია, რომელიც შეიმუშავა სამეცნიერო კოლექტივმა საყოველთაოდ ცნობილი სტენფორდის უნივერსიტეტიდან, ეფუძნება ადამიანის დნმ-ის თავისებურების გათვალისწინებას. ბრიტანული პრესის ბოლოდროინდელი განცხადებებით, მას შეუძლია ნამდვილი რევოლუცია მოახდინოს სხეულის მასის დაქვეითების პროცესში.
ამერიკელმა სპეციალისტებმა შეიმუშავეს წონაში დასაკლები მეთოდიკა, რომელსაც საფუძვლად უდევს თითოეული ადამიანის გენეტიკური თავისებურება. ტესტირება კონკრეტული ინდივიდისათვის ყველაზე შესაფერისი დიეტის შერჩევის მიზნით წარმოებს მისი დნმ-ის თავისებურების შესწავლის საფუძველზე.
ახალი მეთოდის შემოწმებამ აჩვენა, რომ იგი ეფექტურობით მნიშვნელოვნად აღემატება წონაში დასაკლებად დიეტების არჩევის ტრადიციულ მეთოდებს. კერძოდ, კვლევის იმ მონაწილეებმა, რომლებიც მისდევდნენ დნმ-ის ანალიზის შემდეგ შემუშავებულ გასახდომ პროგრამას, შეძლეს ხუთჯერ შეემცირებინათ საკუთარი სხეულის მასა იმათთან შედარებით, რომლებმაც დიეტა ჩვეულებრივად აირჩიეს.
ამერიკელმა მეცნიერებმა ასევე დაადგინეს, რომ დედამიწის მთელი მოსახლეობა პრაქტიკულად შეიძლება დაიყოს სამ კატეგორიად, რომელთაგანაც თითოეულს ესაჭიროება განსაკუთრებული დიეტა იმ შემთხვევაში, თუკი მიზნად დაისახავს წონაში დაკლებას.
http://Ami-tass.ru
2010.03.10
