კიბოსთან ბრძოლის საერთაშორისო კავშირის ექსპერტების მტკიცებით, ყოველწლიურად კიბოთი დაავადების 12 მლნ შემთხვევის 40% შეიძლება აღკვეთილი იყოს, თუ ადამიანები თავს დაიცავენ ინფექციებისგან და შეიცვლიან ცხოვრების წესს.
მეცნიერები ასახელებენ ონკოლოგიურ სნეულებათა გამომწვევ ცხრა ინფექციას, რომელთა შორისაა: ადამიანის პაპილომავირუსი, B ჰეპატიტი, С ჰეპატიტი, ადამიანის იმუნოდეფიციტური ვირუსი და ეპშტეინ-ბარის ვირუსი (ადამიანის ჰერპეს-ვირუსის მე-4 ტიპი).
მედიკოსების აზრით, დროული ვაქცინაციისა და ინფექციის გავრცელების საწინააღმდეგო სათანადო ზომების მიღების შემთხვევაში მილიონობით სიცოცხლის გადარჩენაა შესაძლებელი. ამავე დროს, თავად ადამიანები, მეტი პასუხისმგებლობით უნდა ეკიდებოდნენ საკუთარ ჯანმრთელობას და დაიცვან თავი ისეთი მარტივი საშუალებებით, როგორიცაა მოწევაზე უარის თქმა, ჯანსაღი
კვება, ალკოჰოლის მიღების შეზღუდვა და მზეზე ყოფნის პერიოდის შემცირება.
ჯანმოს პროგნოზით, 2030 წლისთვის კიბოთი გარდაცვლილთა რიცხვი მიაღწევს 11,5 მლნ ადამიანს, რაც 45%-ით აღემატება 2007 წლის მაჩვენებელს, რომელიც 7,9 მლნ-ს შეადგენდა.
http://MIGnews.com
2010.02.04
