ახალი კვლევის მიხედვით, ვაქცინაციამ აივ-ინფექციაზე პოზიტიურ ავადმყოფებში ტუბერკულოზის შემთხვევები თითქმის ორი მეხუთედით შეამცირა.
ფილტვის ინფექცია აფრიკის აივ-პაციენტების სიკვდილიანობის მთავარი მიზეზია.
ჟურნალ “Aids”-ში გამოქვეყნებული სტატიის მიხედვით, რომელიც ეხება დარტმუტის სამედიცინო სკოლის მიერ 2000 ადამიანზე შვიდი წლის მანძილზე წარმოებულ კვლევას, ვაქცინირებულ პაციენტებში მნიშვნელოვნად დაბალია ტუბერკულოზის შემთხვევები.
ექსპერტთა თქმით, ვაქცინაცია უფრო იაფი არჩევანია იმ ქვეყნებისთვის, რომლებიც დიდ ძალისქმევას ახმარენ აივ-ვირუსის საწინააღმდეგო დამხმარე წამლებისთვის სახსრების მოძიებას.
ტუბერკულოზი უზარმაზარი პრობლემაა. აფრიკაში მცხოვრები აივ-პაციენტების ერთი მესამედი დაინფიცირებულია ტუბერკულოზით. აივ-პაციენტი მოწყვლადია ტუბერკულოზის მიმართ მისი იმუნური სისტემის დაზიანების გამო.
ვაქცინაცია აძლიერებს იმ პაციენტის იმუნურ პასუხს, რომელსაც ადრე ცხოვრებაში ჩატარებული ჰქონდა BCG ვაქცინაცია.
BCG ვაქცინაცია, თავისთავად, პროტექტორულ უნარს ტუბერკულოზის მიმართ ავლენს იმუნიზაციიდან მხოლოდ რამდენიმე წლის მანძილზე.
ექსპერტთა ერთი ნაწილის თქმით, პაციენტს უნდა ჩაუტარდეს გამაძლიერებელი ვაქცინაცია აივ-დიაგნოზის დადგენისთანავე, სანამ საჭირო გახდება ანტირეტროვირალური მკურნალობის დაწყება.
http://news.bbc.co.uk
2010.02.01
