ჭარბი წონის მიზეზები რთული და ინდივიდუალურია, მაგრამ ცხადია, რომ მუდმივად საკვების გადაჭარბებული მიღება მთავარ როლს თამაშობს 21-ე საუკუნის დაავადების, სიმსუქნის, გავრცელებაში, დარწმუნებულები არიან კანადელი დიეტოლოგები მაკ-მასტერის უნივერსიტეტიდან.
სპეციალისტები თვლიან, რომ როდესაც ღორმუცელობა იღებს პათოლოგიურ ხასიათს და ის ემსგავსება ნარკომანიას, სიმსუქნის განვითარების ალბათობა მნიშვნელოვნად იმატებს. ფსიქიატრების აზრით, ზოგიერთი ადამინი საჭიროებს ასეთი დამოკიდებულების ანალიზს და ეფექტურ ბრძოლას ჭარბ წონასთან და სიმსუქნესთან.
კვებით ნარკომანიას ან იგივე ღორმუცელობას ექსპერტები ადარებენ ისეთ მავნე ჩვევას, როგორიცაა მედიკამენტების ზედმეტი მოხმარება, როდესაც ადამიანი იძულებულია თანდათანობით გაზარდოს წამლის დოზა, რითაც ან მიაღწევს ეფექტს ან განვითარდება ინტოქსიკაცია. საკვებისადმი მიჩვევის კონცეფცია არ ამცირებს ადამიანის პირადი არჩევანის, თვითდისციპლინისა და თვითკონტროლის როლს, ხაზგასმით აღნიშნავენ მკვლევარები. ამრიგად, თერაპია, რომელიც ტრადიციულად გამოიყენება ნარკომანიის და სხვა სახის დამოკიდებულებების სამკურნალოდ, შეიძლება სასარგებლო აღმოჩნდეს ჭარბი წონის და სიმსუქნის საწინააღმდეგოდაც.
http://Ami-tass.ru
2010.01.13
