ცნობილ სამედიცინო ჟურნალში Journal of Bone and Mineral Research მოთავსებულ სტატიაში მოყვანილია მონაცემები იმის შესახებ, რომ სახსრების ტკივილი და მოძრაობაში შეზღუდვა ხშირად შეიძლება დაკავშირებული იყოს ისეთ, ერთი შეხედვით, უხიფათო პროცედურასთან, როგორიცაა კბილების გაწმენდა ფტორირებული კბილის პასტებით. კვლევებმა აჩვენა, რომ ფტორის საკმარისად მაღალ დოზებში გამოყენებისას შეიძლება განვითარდეს ე.წ. ჩონჩხოვანი ფლუოროზი. კერძოდ, ფტორირებული წყლის დიდ დოზებში მოხმარებისას ზოგიერთ ინდივიდუმებს შეიძლება განუვითარდეს ართრიტის მსგავსი სიმპტომები.
სტატიაში ლაპარაკია 52 წლის ამერიკელზე, რომელიც დღეში 6-ჯერ იწმინდავდა კბილებს ფტორირებული კბილის პასტით და ასევე იყენებდა ფტორირებულ ფლოსს კბილებს შორის არსებული შუალედების გასაწმენდად. მეცნიერებმა აღმოაჩინეს ფტორიდების მომატებული რაოდენობა მის შარდში, ძვლებსა და სისხლში. მას შემდეგ, რაც მან მიატოვა კბილების წმენდა ფტორორებული კბილის პასტით, 8 თვეში მოხდა ფტორის შემცველობის ნორმალიზება პაციენტის ქსოვილებსა და ბიოლოგიურ სითხეებში. ასევე გაქრა ართრიტის ნებისმიერი გამოვლინება და კისრის მიდამოში ტკივილები. უნდა აღინიშნოს, რომ გავიდა 2 წელზე მეტი, სანამ ექიმები დასვამდნენ სწორ დიაგნოზს - ფტორით მოწამვლა.
მანამდე ცნობილი იყო, რომ ფტორით გამდიდრებული კბილის პასტები სახიფათოა მცირეწლოვანი ბავშვებისათვის. მათმა უკონტროლო გამოყენებამ შეიძლება გამოიწვიოს ფლუოროზი სასკოლო ასაკის ბავშვებში. სტომატოლოგების რეკომენდაციით, სიფრთხილით უნდა მოვეკიდოთ კბილის პასტების გამოყენებას 2 წლამდე ასაკის ბავშვებში. პირის ღრუში ფტორის შემცველი სითხეების გამოვლება და ფტორით გამდიდრებული ბიოლოგიურად აქტიური საკვები დანამატების ხმარება საჭიროა მხოლოდ კბილების კარიესის განვითარების მაღალი რისკის მქონე პირებისათვის. მომხმარებელმა ასევე უნდა იცოდეს, როგორია ფტორის შემცველობა სასმელ წყალში. ფტორირებული საკვები პროდუქტების გამოყენება საჭიროა ხშირად, მაგრამ მცირე რაოდენობით. 8 წლამდე ასაკის ბავშვებში არ არის რეკომენდებული 2 х 106-ზე მეტი ფლუორიდების შემცველობის მქონე წყლის სასმელად გამოყენება. პერსპექტივაში, დაგეგმილია ფტორის შემცირებული შემცველობის მქონე საბავშვო კბილის პასტების წარმოება, ასევე სასმელების ეტიკეტებზე, კალორიულობის აღნიშვნასთან ერთად ფტორის შემცველობის მითითება.
ჩატარებულმა კვლევამ აჩვენა, რომ ბავშვების 10%-ს აქვს სარძევე კბილების ფლუოროზი, ხოლო 25%-ზე მეტი მოიხმარს რეკომენდებულთან შედარებით ორჯერ მეტ ფტორს.
http://Medicus.ru
2006.12.22
