წითელ ღვინოს შეუძლია კბილების დაცვა დაშლისაგან. თეთრი ღვინო მომატებული მჟავიანობის გამო ასუსტებს კბილის ემალს და ზრდის კარიესისადმი მიდრეკილებას.
მიუხედავად იმისა, რომ ქათქათა ღიმილის მოყვარულები თავს არიდებენ წითელი ღვინის გამოყენებას, უკანასკნელი კვლევებით დადასტურდა, რომ წითელ ღვინოში არსებული ქიმიური ნივთიერებები ბლოკავს კბილებზე დამაზიანებელი ბაქტერიების ზემოქმედებას. ემალის დამშლელი მიკრობები, რომლებიც, ჩვეულებრივ ბინადრობენ პირის ღრუში, ღვინის ზემოქმედებით კარგავენ აქტივობას. მკვლევარების თქმით, დადებითი ეფექტის მიღწევა შესაძლებელია ღვინის მცირე რაოდენობის ყოველდღიური მოხმარებით, რაც პერსპექტივაში მნიშვნელოვნად შეამცირებს დანტისტებთან ვიზიტის რიცხვს.
იტალიელი მეცნიერები დააკვირდნენ ალკოჰოლგამოცლილი წითელი ღვინის მოქმედებას იმის დასადგენათ, თუ რას უკავშირდება ზ.ა ეფექტი – ალკოჰოლს თუ მცენარეულ ინგრედიენტებს. კვლევის შედეგად მათ დაასკვნეს, რომ კბილების ჯანმრთელობისთვის მნიშვნელოვანი მიკროელემენტები სწორედ ანტიოქსიდანტებით მდიდარი ყურძნის მარცვლებიდან მიიღება.
მეცნიერების აღმოჩენით, კიდევ ერთი დამატებითი პუნქტი შეემატა ამ კეთილშობილი სასმელის სასარგებლო თვისებების გრძელ სიას. როგორც ცნობილია, წითელ ღვინოს უკავშირდება თავის ტვინის სისხლის მიმოქცევისა და მუშაობის გაუმჯობესება, იმუნიტეტის სტიმულირება, დიაბეტის, გულ-სისხლძარღვთა და ონკოლოგიური დაავადებების განვითარების რისკის შემცირება. ამერიკელმა მეცნიერებმა დაადგინეს, რომ სწორედ ღვინის “დამფასებლებს” აღენიშნებათ უფრო გამჭრიახი გონება, ვიდრე მათ, ვინც საერთოდ არ მოიხმარს სპირტიან სასმელს. მეცნიერების თქმით, ყველაფერი ეს სწორია ერთი პირობით - თუ მიღებული ალკოჰოლის დოზები მცირეა, საწინააღმდეგო შემთხვევაში, სავარაუდოდ, შეიძლება განვითარდეს არტერიული ჰიპერტენზია, პრობლემები ღვიძლისა და პოტენციის მხრივ.
http://Ami-tass.ru
2009.12.14
