ქალებში ჭაღარა თმის გამოჩენა მემკვიდრეობითი თვისებაა და ნაკლებადაა დამოკიდებული ისეთ გარემო ფაქტორებზე, როგორიცაა სტრესი და კვება. კომპანია Unilever-ის მეცნიერებმა გამოიკვლიეს დანიის მოქალაქეები - 59-დან 81 წლის ასაკის 200 წყვილი იდენტური და არაიდენტული ტყუპი.
ერთნაირი გენომის მქონე იდენტურ წყვილებში მეცნიერებმა განსხვავება თითქმის ვერ აღმოაჩინეს მაშინ, როდესაც არაიდენტურ წყვილებში განსხვავება საკმაოდ გამოხატული იყო.
კვლევის შედეგების მიხედვით, რომელიც გამოქვეყნებულია ჟურნალში “PLoS One”, გენებზეა, ასევე, დამოკიდებული თმების ცვენაც.
გაჭაღარავება არ არის დამოკიდებული ცხოვრების წესზე და განისაზღვრება გენეტიკური ფაქტორებით, აღნიშნავს ბრიტანეთის დერმატოლოგიური ასოციაციის წარმომადგენელი ნინა გოუდი. ამავე დროს, გაირკვა, რომ ეკოლოგიურმა ფაქტორებმა და ცხოვრების წესმა თმის ცვენა შეიძლება გამოიწვიოს თხემის არეში.
http://Bbc.co.uk
2009.12.03
