აივ-ინფექცია და შიდსი წარმოადგენს რეპროდუქციული ასაკის ქალების სიკვდილიანობის მთავარი მიზეზს. ასეთ მონაცემებს შეიცავს ჯანმრთელობის მსოფლიო ორგანიზაციის მოხსენება, რომელიც ეძღვნება ქალების ჯანმრთელობის დაცვის პრობლემებს.
ჯანმოს მონაცემებით, მთელ მსოფლიოში ქალების სიცოცხლის ხანგრძლივობა 6-8 წლით აღემატება მამაკაცებისას. ამის მიუხედავად, ზოგ რეგიონში, მათ შორის აზიისა და აფრიკის ქვეყნებში, აღინიშნება სამედიცინო მომსახურების ხელმისაწვდომობისა და დაავადების პროფილაქტიკასა და მკურნალობაზე ინფორმაციის ღრმა დეფიციტი.
დოკუმენტში აღნიშნულია, რომ აივ/შიდსი სიკვდილიანობის წამყვან მიზეზს წარმოადგენს რეპროდუქციული ასაკის (15-45) ქალებში. ამ ასაკობრივ ჯგუფში მეორე ადგილზე, მიზეზების მიხედვით, არის ორსულობისა და მშობიარობის პერიოდის გართულებები, ამასთან, ყოველწლიურად ამ მიზეზებთან დაკავშირებული ნახევარი მილიონი სიკვდილის შემთხვევის 99% მოდის განვითარებად ქვეყნებზე.
15-45 და 45-60 ასაკის ქალებში სიკვდილიანობის სხვა მთავარ მიზეზს წარმოადგენს ტუბერკულოზი, უბედური შემთხვევა, საშვილოსნოს ყელის კიბო, ოჯახური ძალადობა და ასევე, თვითმკვლელობა.
http://medportal.ru
2009.11.11
