ამერიკელმა მეცნიერებმა აღმოაჩინეს, რომ შავ ღვინოს შეუძლია ფილტვების დაზიანების აღკვეთა А/H1N1 გრიპის ვირუსით დაინფიცირების შემთხვევაში. უფრო ზუსტად, ამის მიზეზია ანტიოქსიდანტები, რომელსაც დიდი რაოდენობით შეიცავს ეს სასმელი.
ექსპერიმენტის მსვლელობაში მეცნიერებმა დაადგინეს, რომ გრიპის ვირუსი აზიანებს ადამიანის სასუნთქი გზებისა და ფილტვების უჯრედებს. საფარის დაზიანების შემდეგ ფილტვებში ხდება სითხის დაგროვება, რომელიც იწვევს პნევმონიის რთული ფორმის განვითარებას, სუნთქვის გაძნელებასა და დარღვევას.
ექსპერიმენტების შედეგად მეცნიერებმა დაადგინეს, რომ ვირუსი შლის გარკვეულ პროტეინებს, რომელსაც შეიცავს ცოცხალი უჯრედები. ამ მოქმედების აღკვეთა შესაძლებელი გახდა ანტიოქსიდანტების გამოყენებით.
კვლევებმა დაამტკიცა, რომ მცენარეულ პროდუქტებში არსებულ ანტიოქსიდანტებს შეუძლიათ ფილტვების დაზიანების თავიდან აცილება ღორის გრიპით დაინფიცირების შემთხვევაში. წითელ ღვინოსთან ერთად, ამ ნივთიერებებით ყველაზე მდიდარ პროდუქტებს წარმოადგენს ბროწეული, შტოში და მოცვი. სპეციალისტების თქმით, ამ ჭრილში სასარგებლო პროდუქტების განსაზღვრა ხდება მათი კანის მკვეთრი მეწამული ფერით.
უფრო ძლიერი ეფექტისთვის სპეციალისტები გვირჩევენ მცენარეული საკვებით გამდიდრებული დიეტის დაცვას, ვიტამინების მიღებას, სხეულის ზედმეტი წონის დაკლებას, ცხოვრების აქტიური წესის დაცვას, სპორტით დაკავებას, მოწევაზე უარს, გამოძინებას, ჰიგიენური წესების დაცვას და სტრესების თავიდან აცილებას.
http://www.dni.ru
2009.10.30
