აღმოსავლეთ ევროპასა და ცენტრალურ აზიაში აივ/შიდსის გავრცელების სამი ახალი ტენდენცია გამოიკვეთა. ასეთ დასკვნამდე მივიდნენ საერთაშორისო ექსპერტები, რომლებიც მონაწილეობენ მოსკოვში მიმდინარე აღმოსავლეთ ევროპასა და ცენტრალურ აზიაში აივ/შიდსის გავრცელების საკითხებზე მომუშავე III კონფერენციაში.
უპირველეს ტენდენციას წარმოადგეს ეპიდემიის “ფემინიზაცია”: დღესდღეობით ქალებში სულ უფრო ხშირად ხდება აივ-დაინფიცირება. ბოლო წლებში აივ-ინფექციის ახალი შემთხვევების 40% რეგისტრირდება ქალებში.
მეორე ტენდენციად სპეციალისტებმა ეპიდემიის “გაახალგაზრდავება” დაასახელეს: აღმოსავლეთ ევროპასა და ცენტრალურ აზიაში აივ/შიდსით დაავადებულთა შორის 75%-ზე მეტი 30 წელზე ნაკლები ასაკისაა.
აივ/შიდსის ეპიდემიის პრობლემის მესამე ტენდენციად ექსპერტები ვირუსის ჰეტეროსექსუალური კონტაქტით გადაცემის შემთხვევების მატებას მიიჩნევენ. აივ-ინფექციის ახალი შემთხვევების დაახლოებით 40%-ში ინფექციის გადაცემა ამ გზით მოხდა.
სპეციალისტები აღნიშნავენ რომ, აივ/შიდსის წინააღმდეგ ბრძოლის მთავარ პრობლემას საზოგადოების მიერ ამ ავადმყოფების მიუღებლობა წარმოადგენს, ამიტომ აუცილებელია ადეკვატური ინფორმაციისადმი ხელმისაწვდომობის გაზრდა, რაც საზოაგადოების აივ-ინფიცირებულებისადმი დამოკიდებულების შეცვლას შეუწყობს ხელს.
აივ/შიდსის საწინააღმდეგო რეგიონული თანამშრომლობისადმი მიძღვნილმა ფორუმმა შეკრიბა 60 ქვეყნის წარმომადგენელი არა მარტო აღმოსავლეთ ევროპიდან და ცენტრალური აზიიდან, არამედ დასავლეთ ევროპიდან და ამერიკიდანაც. კონფერენციის ორგანიზატორებსა და მონაწილეებს ერთიანი აზრი აქვთ იმის შესახებ, რომ ყველაზე მნიშვნელოვანი სოციალურ სამართლიანობასა და ადამიანის უფლებების დაცვასთან დაკავშირებული საკითხებია, რაც აუცილებელია იმ დისკრიმინაციის გადასალახავად, რომელიც არსებობს აივ-ინფიცირებულთა და მათი ოჯახის წევრების მიმართ.
http://ami-tass.ru
2009.10.29
