ადამიანის იმუნოდეფიციტის ვირუსის გადაცემა ხდება ვირუსის სპერმატოზოიდებთან მიმაგრებით. ასეთ დასკვნამდე მივიდა ბუენოს-აირესის უნივერსიტეტის (University of Buenos Aires) მეცნიერთა ჯგუფი ანი ცებალოს (Ana Ceballos) ხელმძღვანელობით. კვლევის შედეგები გამოქვეყნებულია ჟურნალში “The Journal of Experimental Medicine.”
ადრე ითვლებოდა, რომ სქესობრივი კონტაქტის დროს აივ-ინფექციის გადაცემა ხდებოდა სათესლე სითხესა და ლეიკოციტებში გამომწვევის არსებობის გამო. არგენტინელმა მკვლევარებმა დაადგინეს, რომ აივ-ვირუსი ემაგრება სპერმატოზოიდების ზედაპირს.
რიგი ექსპერიმენტების ჩატარების შემდეგ მეცნიერები მივიდნენ დასკვნამდე, რომ აივ-ვირუსის იმუნური სისტემის დენტრიტული უჯრედებისთვის გადაცემა ხორციელდება მათი მამაკაცის სასქესო უჯრედებთან კონტაქტით. ინფიცირების დროს დენდრიტული უჯრედები ახდენენ სპერმატოზოიდების არა შთანთქმას, არამედ მხოლოდ მის ზედაპირულ რეცეპტორებთან შეხებას.
მეცნიერების თქმით, აივ-ვირუსის მატარებელი სპერმატოზოიდები აღწევენ დენტრირულ უჯრედებს, გადიან რა ლორწოვანი გარსის მიკროსკოპულ დაზიანებულ უბნებში, რომელიც ყოველთვის წარმოიშვება სქესობრივი კონტაქტის დროს. გარდა ამისა, სპერმატოზოიდებს შეუძლიათ კონტაქტის განხორციელება ლორწოვანის ზედაპირზე განთავსებული დენდრიტული უჯრედების თითისებრ წანაზარდებთანაც.
http://www.eurekalert.org
2009.10.28
