ფრანგი მეცნიერების მიერ პარკინსონის დაავადების სამკურნალოდ შემუშავებულმა გენურმა თერაპიამ, რომელმაც წარმატებით გაიარა კვლევა მაიმუნებში, ამჟამად თავისი ეფექტურობა აჩვენა ადამიანებზე ჩატარებულ კვლევებში.
გენური პრეპარატი - ProSavin წარმოადგენს სამ გენს, რომელიც დოფამინის სინთეზზეა პასუხისმგებელი. მამოძრავებელ ნეირონებში ამ ნეირომედიატორის გამომუშავების დაქვეითება უდევს საფუძვლად პარკინსონიზმის განვითარებას. ProSavin-ის ნერვულ უჯრედებამდე მიტანა ხორციელდება გაუვნებელყოფილი ცხენის ვირუსის საშუალებით. პრეპარატი შეჰყავთ უშუალოდ თავის ტვინში.
ხელოვნურად გამოწვეული პარკინსონიზმის შემთხვევაში ProSavin-ის მაიმუნებში გამოყენებამ გამოიწვია ცხოველების 80%-ის გამოჯანმრთელება. აღნიშნული ეფექტი გრძელდება უკვე ოთხი წელი. გენურმა წამალმა დოფამინის დონე აღადგინა მაიმუნების თავის ტვინში და აღმოფხვრა მოძრაობითი მოშლილობა – ტრემორი, რიგიდულობა და ა.შ.
ერთი წლის წინ კლინიკური კვლევის მეორე სტადიის ფარგლებში პრეპარატი შეუყვანეს ექვს მოხალისეს. ერთ-ერთი მკვლევარის, ნეიროქირურგ სტეფან პალფის (Stéphane Palfi) თქმით, შედეგები “ძალიან დამაიმედებელია”, როგორც სიმპტომების გაუმჯობესების, ისე გვერდითი მოვლენების თვალსაზრისით.
http://Medportal.ru
2009.10.19
