მეცნიერებმა სამხრეთ კალიფორნიიდან (Southern California University) შეიმუშავეს მარტივი წესი იმის გასაგებად, თუ რამდენი ღრუ შეიძლება გაუჩნდეს კბილებში ამა თუ იმ ადამიანს სიცოცხლის განმავლობაში. როგორც უნივერსიტეტის საიტი იუწყება, ეს შესაძლებელია ნერწყვის მარტივი ანალიზის მეშვეობით.
მკვლევარების ჯგუფი პროფესორ პოლ დენის (Paul Denny) ხელმძღვანელობით ამტკიცებს, რომ 98%-იანი სიზუსტით არის შესაძლებელი იმ კბილების ჩამოთვლა, რომელთაც ყველაზე მეტად ემუქრებათ კარიესის გაჩენის საფრთხე.
ტესტს საფუძვლად უდევს ოლიგოსაქარიდების განსაზღვრა ნერწყვში. ამ ქიმიური ნივთიერებების ანალოგიური ჯაჭვები არის კბილების ზედაპირზეც. ზოგიერთი მათგანი ”აფრთხობს” დაავადების გამომწვევ ბაქტერიებს კბილის ემალიდან, ზოგიერთი კი, პირიქით, წარმოადგენს ერთგვარ საკვებს ასეთი მიკროორგანიზმებისათვის. მათი ურთიერთშეფარდება გენეტიკურად არის წინასწარგანსაზღვრული და არ იცვლება. სწორედ ამას ეფუძნება ტესტის მაღალი საიმედოობა.
მეცნიერები თვლიან, რომ ტესტს ძირითადი გამოყენება ბავშვთა სტომატოლოგიაში ექნება. კერძოდ, ის შესაძლებელს გახდის თითოეული ბავშვისათვის შეირჩეს კბილების მოვლის ინდივიდუალური პროგრამა.
http://mednovosti.ru
2005.03.01
