ბრიტანელი და ავსტრალიელი მეცნიერების მიერ ჩატარებული კვლევის თანახმად, ბავშვები, რომლებიც ღებულობენ დიდი რაოდენობით რძის ნაწარმს, როგორიცაა რძე და ყველი, საგრძნობლად იხანგრძლივებენ სიცოცხლეს.
მკვლევარებმა შეისწავლეს 1930-იან წლებში დაბადებული დაახლოებით 4374 ბრიტანელის მონაცემები 65 წლის მანძილზე.
აღმოაჩინეს, რომ ბავშვობაში რძის ნაწარმისა და კალციუმის მაღალი მოხმარების შემთხვევაში ადამიანები დაცული იყვნენ ინსულტისა და სიკვდილის სხვა მიზეზებისგან.
კვლევის შედეგები გამოქვეყნებულია ჟურნალში “Heart”.
მიუხედავად რძის პროდუქტებში არტერიებისთვის საზიანო ცხიმისა და ქოლესტერინის არსებობისა, ამ პროდუქტების მაღალი მოხმარება არ იწვევს გულის დაავადებების რისკის მატებას.
ოჯახურ დიეტებზე დაკვირვებით, მეცნიერებმა დაასკვნეს, რომ კალციუმისა და რძის ნაწარმის (უპირატესად რძის) უფრო მეტი მოხმარება სიკვდილიანობას 25%-ით ამცირებს.
კალციუმის სულ მცირე 400მგ-ის მიღება, რაც შეესაბამება დაახლოებით 500მლ რძეს ინსულტით სიკვდილის განვითარების რისკს ამცირებს 60%-ით.
ექსპერტები რეკომენდაციას უწევენ კალციუმის ამ რაოდენობით ყოველდღიურ მიღებას.
რძის ნაწარმის სამი პორცია, რომელიც შეიცავს 200მლ რძეს, იოგურტის ერთ ქილას და ყველის პატარა ნაჭერს, უზრუნველყოფს ადამიანისთვის კალციუმის საჭირო რაოდენობის დღიურ ნორმას.
მკვლევართა თქმით, რძის პროდუქტები გულსა და სისხლის მიმოქცევაზე მოქმედებენ ინსულინის მსგავსი ჰორმონის ზრდის ფაქტორი 1-ის (IGF-1) საშუალებითაც.
მოზრდილებში ცირკულირებადი IGF-1-ის მაღალი დონე ასოცირდება გულის უკმარისობისა და გულის დაავადებებით სიკვდილიანობის რიცხვის შემცირებასთან.
მედიკოსების თქმით, მოზარდებმა და მოზრდილებმა უნდა მოიხმარონ დაბალი ცხიმიანობის რძის პროდუქტები, როგორიცაა 1%-იანი ცხიმიანობის რძე, დაბალცხიმიანი იოგურტი, რაც უზრუნველყოფს ნაჯერი ცხიმების მცირე რაოდენობით მიღებას გულის დაცვის მიზნით.
http://news.bbc.co.uk
2009.07.29
