მკვლევარები ბეილორის სამედიცინო კოლეჯიდან და ტეხასის ბავშვთა ჰოსპიტალიდან იტყობინებიან, რომ მწვანე ჩაიში არსებულ ქიმიკატს აღმოაჩნდა აივ-1 ვირუსის (HIV-1) დაინფიცირებისაგან იმუნური სისტემის უჯრედების პრევენციისა და მკურნალობის უნარი.
კვლევებით დოქტორმა ქრისტინა ნენსმა და უილიამ ტ.შერერმა (Dr. Christina Nance and Dr. William T. Shearer) აჩვენეს, რომ მწვანე ჩაიში ნანახი epigallocatechin gallate ან EGCG ახდებს HIV-1-ვირუსის უჯრედში “შესასვლელ” მოლეკულასთან gp120 შეკავშირების უნარის ბლოკირებას. ეს იწვევს ვირუსის მიერ უჯრედის დაინფიცირების უნარის ინჰიბირებას.
“ამჟამად ჩვენ ვნახეთ, რომ EGCG ეფექტურია აივ-ვირუსის არა მარტო ამ სპეციფიკური შტამის მიმართ, არამედ ასევე მრავალი სხვა ქვეტიპისა და შტამის შემთხვევაშიც”, - აღნიშნავს დოქტორი ნენსი. მისივე თქმით, ეს უმნიშვნელოვანესია გლობალურ ასპექტში.
კვლევებით დადგინდა, რომ აღნიშნული ნაერთი ახდენს აივ-ვირუსის მოქმდების ინჰიბირებას ლიმფოციტებში ან T-უჯრედებში.
კვლევის დროს ლაბორატორიულ პირობებში განხორციელდა აივ/შიდსის არმქონე ადამიანების იმუნურ უჯრედებზე ჯერ ვირუსის ზემოქმედება, ხოლო შემდეგ აივ-დაინფიცირებულ იმუნურ უჯრედებზე – EGCG-ის ზემოქმედება. აღმოჩნდა, რომ ამ უკანასკნელმა მოახდინა ვირუსის მიერ სხვა უჯრედების დაინფიცირების ბლოკირება.
ნაერთის მოლეკულური კომპონენტებია pryogallol და galloyl, რომლებიც, როგორც ირკვევა პასუხისმგებლები არიან იმუნური სისტემის მთავარი კომპონენტის - T-უჯრედის CD4 მოლეკულისა და gp120 პროტეინის შეკავშირების პრევენციაზე.
ეს ეფექტი აღინიშნება ადამიანისათვის არატოქსიკური კონცენტრაციის პირობებში.
ამრიგად, EGCG, როგორც აივ-ინფექციის პოტენციური იაფი ინჰიბიტორი, შეიძლება გამოყენებული იყოს, სულ მცირე, როგორც დამხმარე საშუალება ანტირეტროვირუსულ მკურნალობაში.
ადრე შემუშავებული აივ-ვირუსის უჯრედში შეღწევის მაბლოკირებელი წამლები არაეფექტური ხდებოდა ვირუსის წამლებზე საპასუხოდ განვითარებული მუტაციის გამო. დოქტორი ნენსი იმედს გამოთქვამს, რომ ნატურალური პროდუქტიდან მიღებული EGCG-ის შემთხვევაში ნაკლებად სავარაუდოა მუტაციის გამოწვევა, თუმცა, სწორედ ამჟამად მეცნიერი ახორციელებს ტესტებს EGCG-ზე რეზისტენტული ფორმების შექმნის შესაძლებლობის განსაზღვრისათვის.
უახლოეს მომავალში დაიწყება აივ-ინფიცირებულ ადამიანებზე პრეპარატის უსაფრთხოების დასადგენი კვლევის 1 ფაზა.
http://www.elements4health.com
2009.07.21
