კანადელმა მეცნიერებმა შეიმუშავეს აივ-ინფექციის საწინაარმდეგო ვაქცინა და მზად არიან ვაქცინის პაციენტებზე გამოცდისთვის.
ვაქცინა შეიმუშავა დასავლეთ ონტარიოს უნივერსიტეტის (University of Western Ontario) პროფესორმა კან ხილ ენმა (Kang Chil-Yong). კვლევას აფინანსებდა კომპანია Sumagen (Sumagen Canada Inc.).
როგორც კომპანიის წარმომადგენლები აცხადებენ, ვაქცინის უსაფრთხოება დამტკიცებულია ცხოველებზე ჩატარებული ექსპერიმენტებით, რომლის მსვლელობაში არ იყო აღნიშნული პრეპარატთან დაკავშირებული რაიმე გვერდითი მოვლენების არსებობა.
ვაქცინაზე პატენტი უკვე აქვს მსოფლიოს 70-ზე მეტ ქვეყანას. კლინიკური კვლევის წარმოებისთვის საჭირო დოკუმენტაცია გაგზავნილია აშშ-ის წამლისა და პროდუქტის კონტროლის სააგენტოში (FDA). სააგენტოდან დასტურის მიღების შემთხვევაში კლინიკური კვლევა ჩატარდება ორ ეტაპად: პირველ ეტაპზე მოხდება პრეპარატის უსაფრთხოების შესწავლა, ხოლო მეორე ეტაპზე – ეფექტურობის.
Sumagen-ის წარმომადგენელები აცხადებენ, რომ თანხმობის მიღების შემთხვევაში მზად არიან დაუყოვნებლივ დაიწყონ ვაქცინის გამოცდა.
დღევანდელი მდგომარეობით, აივ/შიდსის მკურნალობა არ არსებობს, ამ მიზნით მრავალი კვლევის ჩატარების მიუხედავად. სხვადასხვა ვაქცინის გამოყენებასთან დაკავშირებული უკანასკნელი კლინიკური კვლევები წარუმატებლად დამთავრდა.
გასული წლის დეკემბერში ნობელის პრემიის ლაურეატი ლუკ მონტაგრიერი (Luc Montagnier ) აღნიშნავდა, რომ აივ-ვაქცინის შემუშავება “ოთხი-ხუთი წლის საქმე იყო”. ლუკ მონტაგრიერი ერთ-ერთი იყო იმ ორი მეცნიერიდან, რომელმაც 1983 წელს აივ-ვირუსი აღმოაჩინა.
http://www.ctv.ca
2009.07.02
