კვლევამ აჩვენა, რომ სტაფილოს ანტიკანცეროგენული პოტენციალი მატულობს ბოსტნეულის დაუჭრელად მოხარშვის შემთხვევაში. მეცნიერებმა აღმოაჩინეს, რომ მთლიანი სტაფილოს მოხარშვისას მასში 25%-ით მეტი ანტიკანცეროგენული კომპონენტის falcarinol-ის შეკავება ხდება.
კვლევის ხელმძღვანელი დოქტორი კირსტენ ბრანდტი (Kirsten Brandt) ამბობს, რომ სტაფილოს წინასწარი დაჭრით იზრდება ზედაპირი, საიდანაც ხდება საკვები ნივთიერებების უფრო ინტენსიური გადასვლა წყალში ხარშვის დროს. მისივე თქმით, ბოსტნეულის მოხარშვის შემდეგ დაჭრით ხდება როგორც საკვები ნივთიერებების, ასევე საგემოვნო თვისებების უფრო მეტად შენარჩუნება.
ნიუკასტლელმა მეცნიერებმა ოთხი წლის წინ დაადგინეს falcarinol-ის მნიშვნელობა ჯანმრთელობისთვის. სტაფილოს ან falcarinol-ის დიატაზე მყოფ ვირთხებში სიმსივნის განვითარების რისკი ერთი მესამედით ნაკლები აღმოჩნდა საკონტროლო ჯგუფთან შედარებით. ამის შემდეგ მეცნიერები აკვირდებოდნენ დაჭრილი და მოხარშული სტაფილოს ეფექტს.
ბოლო კვლევამ აჩვენა, რომ ტემპერატურის მატებით იღუპება უჯრედები, რომლებიც კარგავდნენ უჯრედშიდა წყლის შეკავების უნარს, რაც თავისთავად იწვევდა falcarinol-ის კონცენტრაციის მატებას, მაგრამ ამავე დროს სუსტდება უჯრედების კედლები და უფრო ადვილად ხდება წყალში ხსნაში უჯრედის შემადგენელი კომპონენტების (შაქარი, ვიტამინი C...) “გამორეცხვაც” და მათთან ერთად იკარგება falcarinol-ის გარკვეული რაოდენობზც. მეცნიერების თქმით, წინასწარ დაჭრილი სტაფილოს შემთხვევაში ზედაპირის არე ბევრად მატულობს, რაც, თავისთავად, იწვევს საჭირო ნივთიერებების დანაკარგის ზრდას.
ბრმა კვლევის საფუძველზე მეცნიერებმა დაადგინეს, რომ სტაფილოს მთლიანად მოხარშვა გამართლებულია უკეთესი საგემოვნო თვისებების შენარჩუნების თვალსაზრისითაც. როგორც ირკვევა, გათბობისას დაუჭრელ სტაფილოში ხდება გემოს მიმცემი ბუნებრივი შაქრის შემცველობის უფრო მეტად შენარჩუნება.
Sharon Barbour
http://news.bbc.co.uk
2009.06.17
