მეცნიერებმა გენის-სკანირების ახალი მეთოდით იპოვეს კიბოს წინააღმდეგ ბრძოლის ახალი პოტენციური გზა იმ გენების დათრგუნვით, რომელიც საჭიროა სიმსივნური უჯრედების არსებობისთვის. მათ აღმოაჩინეს ადრე უცნობი გენი, რომელიც იცავს სიმსივნურ უჯრედებს თვითგანადგურების პროცესისაგან, რაც არ არის დამახასიათებელი ჯანმრთელი უჯრედებისთვის.
აღმოჩენა დაკავშირებულია გენის მუტაციასთან, რაც აღინიშნება კიბოს შემთხვევათა 30 %-ში და წარმოადგენს მიმზიდველ სამიზნეს პოტენციურად სასარგებლო და ხელსაყრელი მედიკამენტების წარმოებისთვის. ჩატარებული კვლევები მიუთითებს რნმ-ინტერფერენსის (რნმ-ი) გამოყენებით კიბოს წინაარმდეგ ბრძოლის სწრაფ და ეფექტურ ახალ გზაზე.
ფოკუსირება ხდებოდა KRAS სახელწოდებით ცნობილ სიმსივნის-გამომწვევ გენზე. KRAS-ის მუტაცია აღინიშნება კიბოს შემთხვევათა 30%-ში, რომელიც მოიცავს ასევე ლეიკემიას, პანკრეასისა და ფილტვის სიმსივნეებსაც. მათზე დამიზნებული კიბოს საწინაარმდეგო წამლების მოქმედება გავლენას არ ახდებდა სიმსივნეებზე. კვლევის ხელმძღვანელის გარი ჯილილენდის (Gary Gilliland) თქმით, ეს ფაქტი დიდი იმედგაცრუება იყო, რადგან მუტაციის არსებობის დადგენის მიუხედავად, ვერ ხერხებოდა მისი გამოყენება.
კიბოს მკურნალობის მნიშვნელოვან სფეროს წარმოადგენს ანგიოგენეზის ინჰიბირება – სიმსივნის მკვებავი სისხლძარღვების წარმოშობის დათრგუნვა. გარი ჯილილენდისა და სტეფან ელიჯის (Stephen Elledge) გუნდები დაინტერესდნენ სიმსივნური უჯრედებისთვის სხვა საჭიროებების მოძიებით. სტეფან ელიჯის თქმით, სიმსივნური უჯრედები არ არიან სუპერ-უჯრედები, ისინი ავადმყოფ უჯრედებს წარმოადგენენ და მგრძნობიარენი არიან ბევრი ფაქტორისადმი.
რნმ-ი-ის გამოყენებით აღმოაჩინეს რამდენიმე გენი, რომელზეც დამოკიდებულია KRAS სიმსივნის განვითარება. შეარჩიეს გენი - STK33, რომელზეც შეიძლებოდა კიბოსსაწინააღმდეგო წამლებით წარმატებით ზემოქმედება და რომელიც, ჩვეულებრივ, იცავდა კიბოს უჯრედებს თვითგანადგურებისგან.
მკვლევართა თქმით, სტრატეგიის მნიშვნელობა მდგომარეობს STK33-ის მიერ კიბოს უჯრედების 50-70 %-ის განადგურებაში, რაც ემყარება კიბოს უჯრედების სიმყიფესა და სისუსტეს ნორმალურ უჯრედებთან შედარებით.
http://reuters.com
2009.05.29
