ფსიქოლოგიური განწყობისა და ნივთიერებათა ცვლის პროცესების თავისებურებათა გარდა დიეტის ეფექტურობაზე შეიძლება იმოქმედოს თავის ტვინის სტრუქტურამაც. კალიფორნიის ტექნოლოგიური ინსტიტუტის მედიკებმა დაასახელეს თავის ტვინის კონკრეტული ზონები, რომელიც პასუხისმგებელია გემრიელი და სასარგებლო პროდუქტის ამორჩევაზე.
მეცნიერები აკვირდებოდნენ მოხალისეებს, რომლებსაც აჩვენებდნენ 50 სლაიდს სხვადასხვა პროდუქტით “სნიკერსიდან” დაწყებული ყვავილოვან კომბოსტომდე და ამავე დროს აფიქსირებდნენ მათ შეფასებას ორი პარამეტრის მიხედვით – გემრიელი და სასარგებლო პროდუქტი.
შეფასების შემდეგ მონაწილეები არჩევანს აკეთებდნენ გემოსა და სარგებლობის მიხედვით “საშუალო” და შემთხვევით არჩეულ კერძს შორის. ამ პერიოდში მკვლევარები აკვირდებოდნენ თავის ტვინის მუშაობას ტომოგრაფის საშუალებით.
მათ დაადგინეს, რომ იმ ადამიანებში, რომლებიც ირჩევდნენ უფრო ჯანსაღ საკვებს აქტიურდებოდა თავის ტვინის ქერქის დორსოლატერალური პრეფრონტალური მცირედი უბანი, რომელიც მდებარეობს შუბლის ნაწილსა და საფეთქელს შორის, ხოლო იმ ადამიანებში, რომლებიც ირჩევდნენ უფრო გემრიელ საკვებს - თავის ტვინის ქერქის ვენტრომედიალური პრეფრონტალური უბანი, რომელიც მდებარეობს შუბლის ნაწილის ქვემოთ.
ექიმებისთვის ჯერ-ჯერობით უცნობია, შესაძლებელია თუ არა ამ უბნების აქტივობის დათრგუნვა ან სტიმულირება, მაგრამ უკვე შეიძლება იმის თქმა, რომ არსებობს ადამიანთა ორი ჯგუფი დიეტაზე “ყოფნის” განსხვავებული შანსებით.
http://Gzt.ru
2009.05.11
