სამხრეთ კორეელმა მეცნიერებმა ჰიპერტენზიისა და ოსტეოპოროზის განვითარებისთვის მნიშვნელოვან ინდიკატორებთან - სისხლის წნევასა და ძვლის სიმკვრივესთან დაკავშირებული გენების იდენტიფიკაცია მოახდინეს.
ჟურნალ “Nature Genetics”-ში გამოქვეყნებულ სტატიაში მკვლევარები აღნიშნავენ, რომ შეისწავლეს დაახლოებით 9000 ადამიანის დნმ და შეძლეს იმ გენების იდენტიფიკაცია, რომლებიც აკონტროლებენ ისეთ ინდიკატორებს, როგორიცაა სისხლის წნევა, ძვლის სიმკვრივე, სხეულის მასის ინდექსი, წელისა და თეძოს ზომების თანაფარდობა, სიმაღლე და პულსის სიხშირე.
ეს ფიზიკური მაჩვენებლები მოქმედებს ძირითადი ქრონიკული დაავადებების განვითარებაზე, რომელთა შორისაა დიაბეტი, ჰიპერტენზია, სიმსუქნე და ოსტეოპოროზი. ეს დავადებები მასობრივი პრობლემა გახდა ბევრი ქვეყნისთვის.
აღნიშნული გენების ცოდნა ამ მდგომარეობების პოტენციურად უკეთესი პრევენციის, მართვისა და კონტროლის საშუალებას მოგვცემს.
ასეთი გენეტიკური კვლევები ჩატარდა კავკასიის პოპულაციაშიც, მაგრამ უფრო ნაკლები მასშტაბებით.
კორეელ მკვლევართა თქმით, მათ ნახეს გენის ახალი ვარიანტები, რომელიც ან ადასტურებდა ჯანმრთელობაზე ზემოქმედების სპეციფიკურობას აზიური მოსახლეობისთვის, ან ავლენდა აზიისთვის გარემო ფაქტორებთან კომბინაციის უფრო მეტ მნიშვნელობას.
http://www.reuters.com
2009.04.27
