დიდი რაოდენობით კვერცხის მიღება საფრთხეს უქმნის ჯანმრთელობას. აშშ მკვლევარებმა აღმოაჩინეს, რომ ამ პროდუქტის ჭარბი მოხმარება ხელს უწყობს მე-2 ტიპის დიაბეტის განვითარებას. ამგვარი დასკვნები გაკეთდა 25 წლიანი კვლევის შედეგად, რომელშიც მონაწილეობას იღებდა 20 000-ზე მეტი მამაკაცი და 36 000-ზე მეტი ქალი. ამ კვლევის ჩატარებამდე არ იყო ცნობილი კვერცხის მოხმარებასა და დიაბეტის განვითარებას შორის არსებული კავშირის შესახებ.
მეცნიერული კვლევის მიმდინარეობისას 1 921 მამაკაცს და 2 112 ქალს დაუსვეს დიაბეტის დიაგნოზი. როგორც აღმოჩნდა, ყოველდღიური კვების რაციონში დიდი რაოდენობით კვერცხის ჩართვა ზრდის ქოლესტერინისა და გლუკოზის დონეს სისხლში. დაავადების ყველაზე მაღალი რისკი გააჩნდათ იმ ადამიანებს, რომლებიც კვერცხს ყოველდღე მიირთმევდნენ.
მიუხედავად იმისა, რომ კვერცხის შემადგენლობაში შედის ბევრი სასარგებლო ნივთიერება და ვიტამინი, მათ შორის ქოლინი, კალციუმი, ფოლიუმის მჟავა, იოდი, ცილები, მისი დიდი რაოდენობით მიღების შედეგად მცირდება მაღალი სიმკვრივის ლიპოპროტეინების (ე.წ. “კარგი” ქოლესტერინი), ხოლო დაბალი სიმკვრივის ლიპოპროტეინების (ე.წ. “ცუდი” ქოლესტერინი) დონე კი მატულობს, რაც აბათილებს პროდუქტის ყველა სასარგებლო თვისებას.
მიღებული მონაცემების გაანალიზების შედეგად ჰარვარდის უნივერსიტეტის მედიკოსები რეკომენდაციას უწევენ კვერცხის მიღების სიხშირის შეზღუდვას და მის მიღებას კვირაში მხოლოდ 2-3-ჯერ.
http://www.medlinks.ru
2008.11.28
