სულ ცოტა ხნის გავრცელდა სენსაციური ინფორმაცია სამედიცინო სამყაროში. კერძოდ, გერმანელმა ექიმმა განაცხადა, რომ მან შეძლო შიდსით დაავადებული პაციენტის სრული განკურნება ძვლის ტვინის გადანერგვის საფუძველზე.
Associated Press-ზე დაყრდნობით, 42 წლის აშშ მოქალაქე, რომელიც გადიოდა მკურნალობის კურსს ბერლინის ერთ-ერთ კლინიკაში, იყო აივ-ვირუსით ინფიცირებული 10 წელიწადზე მეტი ხნის განმავლობაში. ძვლის ტვინის გადანერგვის შემდეგ, მის ორგანიზმში აღარ აღინიშნება აივ-ვირუსით გამოწვეული, არანაირი სიმპტომი – ამაზე მეტყველებს მისი ანალიზები.
პაციენტმა უკვე სრულად შეწყვიტა აივ-ინფექციის დამთრგუნველი პრეპარატების მიღება.
მიუხედავად ამისა, მკვლევარები აცხადებენ, რომ ჯერ ნაადრევია ამ მეთოდზე დიდი იმედების დამყარება, ვინაიდან არ არის გამორიცხული, რომ საქმე ეხება გარემოებათა დაუჯერებელ თანხვედრას და არა მეცნიერულ აღმოჩენას. მით უმეტეს, რომ პაციენტი გერმანიის ერთ-ერთ კლინიკაში მკურნალობის კურსს არა შიდსის გამო, არამედ ლეიკემიის მიზეზით გადიოდა. ანუ ძვლის ტვინი მას სწორედ ლეიკემიის გამო გადაუნერგეს. ამასთან, მისი ექიმი-ჰემატოლოგი, პროფ. გერო ქიუტერი არ წარმოადგენდა აივ-შიდსის სპეციალისტს.
თუმცა, მან აივ-დადებით პაციენტს მიზანმიმართულად გადაუნერგა იმ დონორის ღეროვანი უჯრედები, რომელსაც გააჩნდა თანდაყოლილი იმუნიტეტი შიდსის გამომწვევი ვირუსის პრაქტიკულად ყველა შტამის მიმართ.
როგორც პროფ. ჰიუტერმა განაცხადა, ის ძალზე გაოცებული დარჩა მიღებული შედეგით. პაციენტს უკვე 600 დღეა აღარ აღენიშნება შიდსის არანაირი სიმპტომი.
http://www.medlinks.ru
2008.11.13
