ისრაელის მეცნიერებმა დაადგინეს, რომ ენაბლუობას საფუძვლად უდევს გენეტიკური ფაქტორები. ეს მდგომარეობა უარყოფითად აისახება ადამიანის საგანმანათლებლო და პროფესიულ წინსვლაზე და შესაძლოა ხელი შეუშალოს სოციალურ ურთიერთობებსაც.
ტელ-ავივის უნივერსიტეტის მეცნიერების მიერ ჩატარებული, ფართომასშტაბიანი კვლევის შედეგად დადგინდა უტყუარი მტკიცებულება იმის შესახებ, რომ ამ დაავადებას საფუძვლად უდევს გენეტიკური ფაქტორები: მკვლევარებმა აღმოაჩინეს, რომ ენაბლუობა გადაეცემა მემკვიდრეობით, ნათესავების გენეტიკურ მასალაში არსებული, ერთი და იგივე გენომის გამო.
სპეციალისტებმა გააანალიზეს ებრაული, ამერიკული და შვედური ოჯახების სისხლის გენეტიკური ნიმუშები და განსაზღვრეს რამდენიმე ქრომოსომის უბანი, რომლებიც გავლენას ახდენენ მეტყველების დარღვევის განვითარებაზე. მეცნიერების ვარაუდით, ისინი მომავალში შეძლებენ კონკრეტული გენების გამოვლენას, რომლებიც საფუძვლად უდევს მეტყველების აპარატის კუნთების კრუნჩხვებს და სპაზმებს.
მიუხედავად იმისა, რომ ენაბლუობა შესაძლოა განვითარდეს ნებისმიერ ასაკში, ის უფრო ხშირად პატარა ბავშვებში აღინიშნება. ამასთან, ბიჭები 3-ჯერ უფრო ხშირად ავადდებიან, ვიდრე გოგონები. ექიმები მშობლებს ურჩევენ მიმართონ სპეციალისტს პირველი სიმპტომების გამოვლენისთანავე. სასურველია, თუ ეს მოხდება 2 თვეში ერთხელ. თუმცა, ქრონიკული ენაბლუობის დიაგნოსტირება ძირითადად ხდება არტიკულარული კრუნჩხვების გამოვლენიდან 6-12 თვეში. ენაბლუობის გამომწვევი გენების როლის დადგენას ექნება უდიდესი კლინიკური მნიშვნელობა ამ პრობლემის გადაჭრაში, აცხადებენ თერაპევტები.
http://www.medlinks.ru
2008.11.11
