ჩინური რძის შემდეგ მელამინი ჩინურ კვერცხშიც აღმოჩნდა.
ჰონგკონგში ჩატარებულმა ანალიზებმა აჩვენა, რომ კონტინენტური ჩინეთიდან მიწოდებული კვერცხი ჯანმრთელობისთვის საშიშ ნივთიერებას შეიცავს.
ამის შესახებ ჩინეთის ხელისუფლებისთვის უკვე ერთი თვეა, ცნობილია, თუმცა იგი ყველანაირად ცდილობს, მოწამვლის მასშტაბები დამალოს და კრძალავს მსგავსი ინფორმაციის პრესაში გაშვებას.
როგორც ჩინეთის ადგილობრივი ხელისუფლების წარმომადგენლები ამბობენ, მელამინს ფრინველების საკვებში უკანონოდ ურევდნენ კვერცხში პროტეინის შემცველობის გაზრდის მიზნით. მოშლილი სანიტარული სისტემის გამო ქვეყანაში ამ სფეროს კონტროლი დაბალ დონეზეა. ჰონგკონგის ხელისუფლებამ კი უკვე დაიწყო საქონლის საკვების, ფრინველის ხორცისა და კვერცხის შემოწმება მელამინის შემცველობაზე.
http://www.commersant.ge
2008.10.31
