დაუღერღავი მარცვლეული პროდუქტები იცავს გულს და ხელს უშლის გულ-სისხლძარღვთა დაავადებების განვითარებას. გულის მუშაობაზე მათი დადებითი ზეგავლენა დაამტკიცეს ამერიკელმა კარდიოლოგებმა, რომლებმაც 13 წლის განმავლობაში შეისწავლეს 14 ათასზე მეტი ადამიანის დიეტიური ჩვევები და ჯანმრთელობის მდგომარეობა.
გაცეხვილი ხორბლისაგან დამზადებული ფქვილი, პური, შვრიის ბურღული, გაუსუფთავებელი ბრინჯი ამცირებდა გულის უკმარისობის განვითარების რისკს. ამავდროულად, საკვებად კვერცხის და ცხიმიანი რძის გამოყენება, პირიქით, ხელს უწყობდა არასწორ სისხლის მიმოქცევას და გულის პათოლოგიის განვითარებას.
კვების რაციონი - ჯანმრთელი ცხოვრების ერთ-ერთი ყველაზე მნიშვნელოვანი ფაქტორია, რომელიც ზემოქმედებას ახდენს დაავადებათა ფართო სპექტრზე, მათ შორის გულის იშემიურ დაავადებაზე, სიმსუქნეზე, დიაბეტსა და ჰიპერტონიაზე, ამბობენ მედიკოსები. მათ დაადგინეს, რომ მარცვლეული პროდუქტები 7%-ით ამცირებენ გულ-სისხლძარღვთა ფუნქციის მოშლის რისკს. რძის პროდუქტები 8%-ით ზრდიან ამ რისკს, ხოლო დიდი რაოდენობით კვერცხის გამოყენება რეგულარული კვების დროს 23%-ით ზრდიდა გულ-სისხლძარღვთა დარღვევების რისკს.
კვლევა ტარდებოდა მინესოტას უნივერსიტეტის ექიმების მიერ ჩრდილოეთ კაროლინის უნივერსიტეტის მედიკოსებთან თანამშრომლობით. მედიკოსები გვახსენებენ, რომ მხოლოდ ამერიკის შეერთებულ შტატებში დაახლოებით 5მლნ გულის უკმარისობით დაავადებული ადამიანი ცხოვრობს.
http://Ami-tass.ru
2008.10.30
