სპირტიანი სასმელების გადაჭარბებული მიღება ამცირებს ტვინის მოცულობას. ექიმები გვაფრთხილებენ, რომ არ ღირს ალკოჰოლით გატაცება, ეს განსაკუთრებით ეხება სპირტის მაღალი შემცველობის მქონე სასმელებს, რამდენადაც ასეთი სასმელების კომპონენტები იწვევენ აზროვნებასთან, მეხსიერებასთან, შემეცნებასთან დაკავშირებულ პრობლემებს და ჭკუასუსტობის პროგრესიას.
მეცნიერების გამოთვლით, თავის ტვინის მოცულობა თანდათანობით მცირდება ასაკის მატებასთან ერთად - 10 წლის განმავლობაში 1,9%-ით. მათ მიერ ჩატარებულმა მაგნიტურ-რეზონანსული ტომოგრაფიის შედეგების ხანგრძლივმა ანალიზმა 1839 ადამიანში გამოავლინა ასოციაცია ალკოჰოლური სასმელების ერთკვირიან მოხმარებასა და ტვინის მოცულობის შემცირებას შორის.
მართალია, მამაკაცები ქალებზე უფრო ხშირად სვამენ ალკოჰოლს, მაგრამ აღმოჩნდა, რომ ქალების თავის ტვინი უფრო მეტი ხარისხით მცირდება, ამბობენ მკვლევარები (კოლეჯი Wellesley, მასაჩუსეტსი, აშშ). სპეციალისტების აზრით, ასეთი კანონზომიერება შეიძლება დაკავშირებული იყოს ბიოლოგიურ ფაქტორებთან და ალკოჰოლის ეფექტების მიმართ ქალების ორგანიზმის მაღალ მიმღებლობასთან. გულ-სისხლძარღვთა სისტემისაგან განსხვავებით, ალკოჰოლს არ გააჩნია დადებითი ზემოქმედება თავის ტვინზე. დაფიქსირებული იქნა, რომ რაც უფრო მეტ სასმელს სვამენ ადამიანები კვირის განმავლობაში, მით უფრო მეტად პატარავდება მათი ტვინი.
http://Ami-tass.ru
2008.10.24
