ბრიტანელმა მეცნიერებმა დაადგინეს, რომ ჭარბი წონა 67%-ით ზრდის ორსულობის ნაადრევად შეწყვეტის რისკს.
“დღესდღეობით ჭარბი წონა და სიმსუქნე წარმოადგენს ახალ მსოფლიო ეპიდემიას, ვინაიდან ასეთი ადამიანების რაოდენობა სულ უფრო და უფრო იზრდება. ასევე იზრდება რეპროდუქციული ასაკის იმ ქალთა რაოდენობა, რომელთა წონა აღემატება ნორმას”, განაცხადა შეფილდის უნივერსიტეტის მეცნიერმა, პროფ. მუსტაფა მეტვალიმ.
მკვლევარებმა შეისწავლეს სამეცნიერო სტატიები, რომლებიც გამოქვეყნდა სამედიცინო ჟურნალებში ბოლო ათწლეულის მანძილზე, რათა დაედგინათ ნორმალური და ჭარბი წონის მქონე ქალების რაოდენობა, რომელთა ორსულობა შეწყდა ნაადრევად. აღმოჩნდა, რომ ორსულობა წყდებოდა 20 კვირაზე ადრე.
ანალიზისთვის გამოყენებულ იქნა 16 სტატია, რომლებშიც მოყვანილი იყო ინფორმაცია იმის თაობაზე, რომ ჭარბი წონის მქონე ქალებში 67%-ით მაღალი იყო სპონტანური აბორტის რისკი, ნორმალური წონის მქონე ქალებთან შედარებით.
მიღებული მონაცემების მიხედვით, სიმსუქნე ნამდვილად ზრდის ორსულობის ნაადრევად შეწყვეტის რისკს, განსაკუთრებით უშვილობის საწინააღმდეგო თერაპიის შემდეგ.
კვლევა გამოქვეყნდა ჟურნალში “Fertility and Sterility”.
http://www.medlinks.ru
2008.10.16
