ამერიკელმა მეცნიერებმა ამოხსნეს მექანიზმი, რომელიც საშუალებას აძლევს იმუნოდეფიციტის ვირუსს, ”გამორთოს” ორგანიზმის იმუნური სისტემა. მათი მონაცემებით, სასიკვდილო ვირუსს შეუძლია დაბლოკოს აივ-სპეციფიკური Т-ლიმფოციტები ე.წ. ”უჯრედის სიკვდილის რეცეპტორების” (CD-1) დახმარებით (Nature).
აივ-სპეციფიკურ Т-ლიმფოციტებს, რომლებსაც აქვთ უნარი, გამოიცნონ და გაანადგურონ ვირუსით დაინფიცირებული უჯრედები, გამოიმუშავებს ორგანიზმი სისხლში იმუნოდეფიციტის ვირუსის გამოჩენის საპასუხოდ. თუმცა, ვირუსს აქვს უნარი, დათრგუნოს ამ უჯრედებისა და შემდეგ, მთელი ორგანიზმის ცხოველმყოფელობა.
კვლევითი ცენტრის Partners AIDS სპეციალისტები, რომლებიც მუშაობენ სამხრეთამერიკელ მეცნიერებთან ერთად (კვაზულუ-ნატალი), თვლიან, რომ ლიმფოციტების ზედაპირზე CD-1-ს ექსპრესიის შემცირებამ თეორიულად შეიძლება დაუბრუნოს იმუნურ სისტემას შიდს-თან ბრძოლის უნარი.
თავის გამოკვლევაში მეცნიერებმა გამოიყენეს სისხლის ნიმუშები შიდსით დაავადებული რამდენიმე ათეული პაციენტისა, რომლებსაც ჯერ არ ჰქონდათ დაწყებული ანტირეტროვირუსული პრეპარატების მიღება. გარდა ამისა, ისინი შეისწავლიდნენ იმ 4 ადამიანის ანალიზებს, რომლებმაც დაიწყეს ანტირეტროვირუსული თერაპია.
აივ-ინფიცირებული პაციენტების Т-ლიმფოციტებში მეცნიერებმა შესძლეს გამოევლინათ CD-1 რეცეპტორების ექსპრესია. ”უჯრედის სიკვდილის რეცეპტორების” (CD-1) კონცენტრაცია იმუნური სისტემის მოქმედების დარღვევის სიმძიმის პირდაპირპროპორციული აღმოჩნდა. ანტირეტროვირუსული თერაპიის დაწყებით CD-1 კონცენტრაცია მცირდებოდა, რაც იწვევდა Т-უჯრედების ფუნქციის ნაწილობრივ აღდგენას.
ამჟამად მეცნიერებს ხელთ აქვთ პრეპარატები, რომლებსაც შესწევთ უნარი, ორგანიზმში გამოიმუშაონ CD-1, თუმცა მათ კლინიკური გამოყენებას ზღუდავს შესაძლო გვერდითი მოვლენების შესახებ მონაცემების არარსებობა, რაც საკმაოდ სახიფათოს ხდის მათ გამოყენებას.
კვლევითი პროექტის კოორდინატორის პროფესორ ბრიუს უოლკერის სიტყვებით, იდეალურად, აღმოჩენილ შესაბამისობაზე დაფუძნებული თერაპიის ახალი მეთოდი უნდა მოქმედებდეს მხოლოდ აივ-სპეციფიკურ Т-ლიმფოციტებზე. თუმცა, დღისათვის არ არსებობს მედიკამენტები, რომლებსაც ასეთი მაღალსპეციფიკური ზემოქმედების უნარი აქვთ. ამგვარი მედიკამენტების შექმნა უახლოეს რამოდენიმე წელში გახდება შესაძლებელი. ჯერ-ჯერობით, მკვლევარების მიერ გაკეთებული აღმოჩენის პრაქტიკულ შედეგად შეიძლება მიჩნეულ იქნას აივ-ინფიცირებული პაციენტების მდგომარეობის შეფასების ახალი მეთოდიკა, რომელიც ეფუძნება იმუნურ უჯრედებში СD-1-ს დონის განსაზღვრას.
http://www.mednovosti.ru
2006.08.22
