ინფექციური პათოლოგიის, შიდსისა და კლინიკური იმუნოლოგიის ცენტრის ინფორმაციით, ისევე, როგორც გასულ წლებში, წელსაც შიდსით დაავადებულების რეგისტრირებულ შემთხვევათა განაწილებაში გადაცემის გზების მიხედვით უდიდეს ადგილს იკავებს ნარკოტიკების ინექციური მომხმარებელი.
როგორც მედიანიუსს შიდსის ცენტრიდან აცნობეს, ნარკოტიკების ინექციური გზით გადაეა რეგისტრირებულ შემთხვევათა 59,5 პროცენტი, 33,1 პროცენტი ჰეტეროსექსუალური კონტაქტის შედეგად დაინფიცირდა, 2,8 პროცენტი - ჰომობისექსუალური კონტაქტით, 2,6 პროცენტი - ვერტიკალური გადაცემის გზით, 0,6 პროცენტი სისხლის რეციპიენტია, ხოლო 1,4 პროცენტის შემთხვევაში გადაცემის გზა დაუდგენელია.
ცნობისთვის: შიდსისა და კლინიკური იმუნოლოგიის ცენტრში სულ 1762 შემთხვევაა დაფიქსირებული. საქართველოში აივ ინფექცია შიდსის პირველი შემთხვევა 1089 წელს გამოვლინდა. ბოლო წლებში აივ ინფექციას შიდსის ახალ შემთხვევათა ანალიზის აჩვენებს, რომ აღინიშნება შიდსის ახალ შემთხვევათა სტაბილური ზრდის ტენდენცია. 2006 წელს 276 შემთხვევა დაფიქსირდა, 2007 წელს - 344, ხოლო მიმდინარე წლის ამ დრომდე, გამოვლენილია 262 ახალი შემთხვევა.
მედიანიუსი
http://www.opentext.org.ge/akhalitaoba
2008.09.27
