მეცნიერების აზრით, ცხიმიანი თევზის მინიმუმ კვირაში ერთხელ მიღება მნიშვნელოვნად ამცირებს ხანდაზმულ ასაკში თვალის პათოლოგიების განვითარების რისკს და ხელს უშლის მაკულის დეგენერაციას, რომელიც ასაკობრივ ცვლილებებთან დაკავშირებული მხედველობის გაუარესებისა და ნაადრევი სიბრმავის ძირითად მიზეზს წარმოადგენს. მეცნიერები ჩატარებულ კვლევებში სწავლობდნენ კავშირს ომეგა-3 ცხიმოვანი მჟავეებით მდიდარი თევზების მოხმარებასა და მხედველობას შორის.
ლონდონის ჰიგიენისა და ტროპიკული მედიცინის სპეციალისტებმა დაადგინეს, რომ ამ პროდუქტის გამოყენება კვირაში ერთხელ 50%-ით ამცირებს მხედველობის გაუარესების რისკს 60 წლის ასაკის ზემოთ. ექსპერტების აზრით, მხედველობისთვის სასარგებლო თვისებები აქვს მხოლოდ წითელ თევზს, ხოლო თეთრი თევზის ხშირი გამოყენება, ყოველდღიურად 300 მგ და მეტი, პირიქით, 70%-ით ზრდის თვალის ბადურას დაზიანების რისკს.
ორაგულისა და სკუმბრიის ტიპის ცხიმიანი თევზის ყოველკვირეული გამოყენება უზრუნველყოფს ორგანიზმს დაახლოებით 500 მგ ომეგა-3 ცხიმოვანი მჟავეებით. ინგლისელი ექიმები თვალის პრობლემებთან დაკავშირებით გვირჩევენ უპირატესობა მივანიჭოთ არა ომეგა-3 ცხიმოვანი მჟავეების მედიკამენტოზურ დანამატებს, არამედ მისი ბუნებრივი წყაროს გამოყენებას.
http://www.zdorovih.ne
2008.09.18
