ამერიკელი მეცნიერებმა შექმნეს სიმსუქნის საწინააღმდეგო ვაქცინა, რომელიც უკვე გამოიცადა ლაბორატორიულ პირობებში. მან მნიშვნელოვნად შეამცირა ცხიმოვანი უჯრედების რაოდენობა საცდელ ცხოველებში.
ზრდასრული მამრი ვირთხები, რომლებიც იღებდნენ ვაქცინის დოზას, იკვებებოდნენ ჩვეულებრივად, მაგრამ ნაკლებად იმატებდნენ წონაში. უფრო მეტიც, მათი ცხიმოვანი ქსოვილი შემცირდა კიდეც, - იუწყება ბრიტანული გაზეთი Daily Telegraph.
ვაქცინა, რომლის შესახებაც ცნობა წარმოდგენილია ამერიკელი მკვლევარების მიერ ჟურნალში Proceedings of the National Academy of Sciences, შეიძლება განსაკუთრებით მნიშვნელოვანი აღმოჩნდეს და გვიხსნას მკაცრი დიეტის დაცვის აუცილებლობისაგან.
ვაქცინა მოქმედებს ბუნებრივი წარმოშობის ჰორმონის გრელინის (ghrelin) წინააღმდეგ. ზემოქმედებს რა ორგანიზმის ენერგეტიკულ ბალანსზე, იგი აიძულებს ორგანიზმს გამოიმუშავოს ანტისხეულები გრელინის მიმართ. ეს უკანასკნელი იწვევს შიმშილის გრძნობას, და ამის შედეგად - წონის მომატებას.
პროფესორი კიმ ჯანდა სკრიპსის სამეცნიერო-კვლევითი ინსტიტუტიდან (კალიფორნია) აღნიშნავს: ”ჩვენი კვლევა - პირველი გამოქვეყნებული ცნობაა იმის შესახებ, რომ რომ ცენტრალურ ნერვულ სისტემაში გრელინის მიწოდების შეფერხებამ შეიძლება წონის სასურველი დაქვეითება გამოიწვიოს”.
ჯანდაცვის მსოფლიო ორგანიზაციის მონაცემებით, მთელს მსოფლიოში ჭარბი წონის მქონე დაახლოებით ერთი მილიარდი ადამიანია.
პროფესორი ჯანდა თვლის, რომ მის ჯგუფს შეუძლია უახლოეს მომავალში, ალბათ ერთ წელიწადში, დაიწყოს ვაქცინის გამოცდა ადამიანებზე. ამასთანავე, მეცნიერები დაიცავენ უსაფრთხოების ყველა ზომას.
http://www.MIGnews.com
2006.08.04
