44 მლნ ამერიკელი, რომელთაგან 68% ქალია, დაავადებულია ოსტეოპოროზით, თანახმად ჯანდაცვის ეროვნული ინსტიტუტისა. 50 წელს გადაცილებულ ყოველ მეორე ქალს და ყოველ მეოთხე მამაკაცს ცხოვრებაში ერთხელ მაინც აღენიშნება ოსტეოპოროზთან დაკავშირებული მოტეხილობის შემთხვევა.
სამხრეთ კალიფორნიის უნივერსიტეტის ფარმაცევტებმა შეისწავლეს ასპირინის სამკურნალო როლი შესუსტებული ძვლების მიმართ და დაასკვნეს, რომ პრეპარატი აჩერებს ძვლის რეზორბციას და ღეროვანი უჯრედების კვდომას, რომლებიც ახდენენ ძვლის ფორმირებას.
მეცნიერები ვარაუდობენ, რომ ასაკოვან ადამიანებში ოსტეოპოროზის განვითარებაში მთავარ როლს ასრულებენ T ლიმფოციტები – იმუნური სისტემის უჯრედები, რომლებიც აქტივაციას უკეთებენ ოსტეოკლასტებს. ოსტეოკლასტები – ეს არის უჯრედები, რომლებიც განმეორებით შთანთქამენ ჩონჩხის ძვლის მასალას. T უჯრედები, ისევე როგორც იმუნური უჯრედები, შესაძლოა შეცდომით დაესხან თავს ჯანმრთელ ღეროვან უჯრედებს და ამავე დროს ზიანი მიაყენონ ძვლის ტვინის ფუნქციას და გაზარდონ ოსტეოკლასტების რიცხვი.
დადგინდა, რომ ასპირინი ახდენს ძვლის მასისა და ძვლის მინერალური შემადგენლობის დაკარგვის ბლოკირებას, აკონტროლებს ოსტეოკლასტების მუშაობას და ამგვარად იცავს ორგანიზმს ჩონჩხის სტრუქტურული გაუარესებისგან და მოტეხილობებისგან.
http://www.medlinks.ru
2008.07.15
