ბრიტანელმა მეცნიერებმა აბერდინის უნივერსიტეტიდან დაადგინეს, რომ მამაკაცებში ჭარბი წონა და სიმსუქნე იწვევს სპერმის ხარისხის დაქვეითებას: მისი მოცულობის შემცირებას და ანომალური სპერმატოზოიდების რაოდენობის მატებას. მეცნიერების აზრით, ნეგატიურ როლს შეიძლება თამაშობდეს სათესლე ჯირკვლების გადახურება, რაც გამოწვეულია გარემომცველი ცხიმოვანი ქსოვილის სიჭარბით.
გჰიატ შაების (Ghiyath Shayeb) ხელმძღვანელოვით წარმოებულ კვლევაში მონაწილეობდა 2037 მამაკაცი იმ ოჯახებიდან, რომლებსაც აღენიშნებოდათ პრობლემები ჩასახვასთან დაკავშირებით. ყველა მონაწილეს გაუკეთდა სპერმოგრამა. მამაკაცები გაყვეს ოთხ ჯგუფად სხეულის მასის ინდექსის (სმი), სტანდარტული მაჩვენებელი, რომელიც გამოითვლება კილოგრამებში გამოხატული მასის შეფარდებით მეტრებში გამოხატული ზომის კვადრატზე, მიხედვით.
ცნობილი რისკ-ფაქტორების გათვალისწინებით (კერძოდ, მოწევა, ალკოჰოლის მოხმარება, ასაკი) გაირკვა, რომ სპერმის ყველაზე მაღალი ხარისხი აღენიშნებოდათ ნორმალური წონის (სმი 20-დან 25 ერთეულამდე) მამაკაცებს. სმი-ის მატებას თან ახლდა სპერმის მოცულობის შემცირება და ანომალური სპერმატოზოიდების რაოდენობის მატება.
გჰიატ შაების თქმით, აღნიშნულ კავშირს რამდენიმე ახსნა შეიძლება ჰქონდეს. პირველი, ნეგატიურ როლს შეიძლება თამაშობდეს მამაკაცებში ჰორმონული დონის დარღვევა, მეორე, - ცხიმოვანი ქსოვილის სიჭარბით გამოწვეული სათესლე ჯირკვლების გადახურება. ამის გარდა, არასწორი ცხოვრების წესი და კვება ხელს უწყობს სიმსუქნის განვითარებას და სპერმის ხარისხის გაუარესებას, აღნიშნავენ მეცნიერები.
კვლევის ზუსტი ანგარიში წარმოდგენილი იყო ბარსელონაში გამართულ ადამიანის რეპროდუქციისა და ემბრიოლოგიის ევროპული საზოგადოების ყოველწლიურ კონფერენციაზე.
http://Medportal.ru
2008.07.10
