განვითარებულ ქვეყნებში მცხოვრებ, აივ-ინფიცირებულ ადამიანთა სიკვდილობის მაჩვენებელი, რომლებშიც ეს დაავადება მხოლოდ 5 წელს ითვლის, არ აღემატება ჯანმრთელი ადამიანების სიკვდილობის ალბათობას, განაცხადეს ბრიტანელმა მეცნიერებმა.
“Journal of the American Medical Association”-ში გამოქვეყნებული კვლევის თანახმად, სქესობრივი გზით ინფიცირებული ადამიანების სიკვდილობის მაჩვენებელი იზრდება დაავადების განვითარებიდან 5 წლის შემდეგ. ამის მთავარ მიზეზად მეცნიერები ასახელებენ 1990-იანი წლების შუა პერიოდში განვითარებულ ანტირეტროვირუსულ თერაპიას, რომელიც დაავადების პროგრესირების მნიშვნელოვნად შეჩერების საშუალებას იძლევა.
მიღებული შედეგები არ ეხებათ ნარკოდამოკიდებულ პირებს, რომელთა სიკვდილობის მაჩვენებელი კვლავ მაღალი რჩება, მკურნალობაზე მყოფ, სხვა ჯგუფებთან შედარებით, განაცხადა ბრიტანეთის სამედიცინო კვლევითი საბჭოს წარმომადგენელმა, ქოლუდ პორტერმა.
ანტირეტროვირუსული თერაპია მართლაც კარგ შედეგებს იძლევა და აივ-ინფიცირებული ადამიანების სიცოცხლის ხანგრძლივობა თითქმის უტოლდება ამ ინფექციის არმქონე ადამიანების სიცოცხლის ხანგრძლივობას. ამასთან, უდიდესი მნიშვნელობა ენიჭება დიაგნოზის დროულად დასმას.
1990-იან წლებში შექმნილმა ანტირეტროვირუსულმა თერაპიამ აივ-ინფიცირებულთა სიცოცხლის ხანგრძლივობა მკვეთრად გაზარდა და ეს განსაკუთრებით განვითარებულ ქვეყნებში შეიმჩნევა. დღესდღეობით არ არსებობს ისეთი მედიკამენტი, რომლის დახმარებითაც შიდსი განკურნებადი გახდება (თუმცა მისი შექმნის მცდელობა სულ უფრო მატულობს). მაგრამ არსებობენ პრეპარატები, რომლებსაც შესწევთ ამ დაავადების პროგრესირების შეჩერების უნარი.
1996 წლამდე, მანამ, სანამ ეს პრეპარატები არ იყო იოლად ხელმისაწვდომი, სიკვდილობის რისკი უდრიდა 8-20%-ს, ასაკთან დამოკიდებულებით. ახლა კი, ეს პროცენტული მაჩვენებელი ყოველწლიურად მცირდება.
სიკვდილობის რისკი მატულობს 5 წლის შემდეგ, შესაძლოა იმიტომ, რომ ადამიანები ამ პერიოდში უფრო ნაკლები რეგულარობით ღებულობენ ანტირეტროვირუსულ მედიკამენტებს. ამჟამად, 15-24 წლის ინფიცირებულ პაციენტებში, 10 წლის გასვლის შემდეგ, სიკვდილობის მაჩვენებელი მხოლოდ 5%-ით აღემატება ჯანმრთელი ადამიანების სიკვდილობის რისკს, ხოლო ინფიცირებიდან 15 წლის გასვლის შემდეგ, ეს პროცენტული მაჩვენებელი 7%-მდე იზრდება. 45 წლის ასაკის ზემოთ, სიკვდილობის მაჩვენებელი უდრის 5%-ს, 10 წლის შემდეგ, ხოლო 12%-ს – 15 წლის შემდეგ.
აივ ვირუსით მთელ მსოფლიოში ინფიცირებულია დაახლოებით 33 მლნ ადამიანი. მათი უმეტესობა აფრიკის მაცხოვრებელია. შიდსით უკვე გარდაიცვალა 25 მლნ ადამიანი.
http://www.medlinks.ru
2008.07.03
