ამერიკელმა მეცნიერებმა შეძლეს ლიმფოციტების აივ-ინფექციისგან დაცვის მექანიზმის შემუშავება იმ გენის გამორთვით ექსპერიმენტულ ცხოველებში, რომლის დახმარებითაც ვირუსი ახდენს ლიმფოციტების ინფიცირებას, იტყობინება “New Scientist”.
კალიფორნიის ბიოტექნოლოგიური კომპანიის მკვლევარებმა მოახდინეს ცილა CCR5-ის მაკოდირებელი გენის ბლოკირება. ეს ცილა იმყოფება T-ლიმფოციტების ზედაპირზე და სწორედ მას უკავშირდება აივ უჯრედში შესაღწევად.
ამისათვის მეცნიერებმა გამოიყენეს ვირუსული ვექტორი, რომელიც ატარებდა ფერმენტ ნუკლეაზას, რაც სპეციფიკურად იკავშირებს ზ.ა. გენს.
ადამიანის ლიმფოციტები დაამუშავეს ნუკლეაზათი, შემდეგ კი შეუყვანეს ექსპერიმენტულ თაგვებს. ცხოველების საკონტროლო ჯგუფს კი შეუყვანეს შეუცვლელი ლიმფოციტები. ამის შემდეგ მოხდა ორივე ჯგუფის ინფიცირება აივ-ით. კომპანიის წარმომადგენლის, პროფ. ფილიპ გრეგორის თქმით, 6 კვირის შემდეგ ექსპერიმენტული ჯგუფის ყველა ცხოველს ჩამოუყალიბდა აივ-ის მიმართ მდგრადობა. გარდა ამისა, საკონტროლო ჯგუფთან შედარებით, მათში აღინიშნა ვირუსის დონის ათჯერადი დაქვეითება, ხოლო T-ლიმფოციტების რაოდენობა კი 5-ჯერ გაიზარდა.
ამგვარი იმედისმომცემი შედეგების მიღების შემდეგ, მეცნიერები გეგმავენ ამ მეთოდის კვლევის მიმდინარე წელსვე დაწყებას ადამიანებში. ამისათვის, ინფიცირებულ ადამიანებს აუღებენ T-ლიმფოციტებს და გენ CCR5-ის გამორთვის შემდეგ ლაბორატორიულ პირობებში, დააბრუნებენ უკან. მეცნიერების აზრით, ამ უჯრედების შთამომავლობა შეიძენს აივ-ისადმი მდგრადობას და იქცევა დომინირებულ T-ლიმფოციტებად ორგანიზმში. ეს კი უზრუნველყოფს აივ-სგან ხანგრძლივ დაცვას, განსხვავებით სამკურნალო პრეპარატებისაგან, რომლებიც ახდენენ CCR5-ის არაეფექტურ ბლოკირებას.
http://www.medlinks.ru
2008.07.01
