იმ ადამიანებში, რომლებსაც აღენიშნებათ D ვიტამინის დაბალი დონე პლაზმაში, მიოკარდიუმის ინფარქტის რისკი უფრო მაღალია, ვიდრე ამ ვიტამინის ნორმალური დონის მქონე ადამიანებში.
ბოსტონში მდებარე ჰარვარდის საზოგადოებრივი ჯანდაცვის სკოლის მეცნიერებმა, პროფ. ედვარდ ჯიოვანუჩის ხელმძღვანელობით, გააანალიზეს პლაზმაში D ვიტამინის აქტიური ფორმის დონეები 18 225 მამაკაცში, ასაკით 40-75 წელი, რომლებსაც კვლევის დაწყების მომენტში არ აღენიშნებოდათ გულ-სისხლძარღვოვანი დაავადებები.
10-წლიანი დაკვირვების პერიოდში 454 მამაკაცს განუვითარდა მიოკარდიუმის არაფატალური ინფარქტი ან ფატალური გულის იშემიური დაავადება.
მიღებული შედეგების კორექციის შემდეგ, თანმხლები ფაქტორების გათვალისწინებით, აღმოჩნდა, რომ პლაზმაში არსებული აქტიური D ვიტამინის დაბალი დონის მქონე მამაკაცებში (<15ნგ/მლ) მიოკარდიუმის ინფარქტის განვითარების რისკი უფრო მაღალი იყო, ვიდრე ამ ვიტამინის ნორმალური დონის მქონე ადამიანებში, ფარდობითი რისკი შეადგენდა 2,42-ს (p<0,001).
კვლევის ავტორები მივიდნენ იმ დასკვნამდე, რომ აუცილებელია D ვიტამინის დონესა და მიოკარდიუმის ინფარქტის რისკს შორის არსებული მიზეზ-შედეგობრივი კავშირის განსაზღვრა და D ვიტამინის შემცველი პრეპარატების მიღებაზე არსებული რეკომენდაციების გადახედვა.
http://www.mignews.com
2008.06.17
