გასულ წელს მსოფლიოში აივ-ინფექციით 2,5 მილიონზე მეტი ადამიანი დასნებოვნდა, ხოლო შიდსით დაიღუპა 2,1 მილიონი. აივ-ინფექციის სამკურნალოდ თანამედროვე მედიკამენტების გამოყენება დაახლოებით მილიონამდე ავადმყოფისთვის გახდა შესაძლებელი. ასეთი მონაცემები გაჟღერდა ნიუ-იურკში მიმდინარე აივ/შიდსის პანდემიის პრობლემისადმი მიძღვნილ გაეროს კონფერენციაზე.
გაეროს გენერალურმა დირექტორმა პან გი მუნმა კონფერენციაზე გამოსვლისას განაცხადა, რომ მნიშვნელოვანი პროგრესის მიუხედავად, მსოფლიო საზოგადოების ძალისხმევა არ შეესაბამება პანდემიის მასშტაბებს და შიდსის ინფექციის ზემოქმედება მთელ რიგი რეგიონების მოსახლეობის ცხოვრებაზე გაიზრდება მომავალშიც.
UNAIDS-ის მონაცემებით, დღესდღეობით შიდსით დაავადებულთა ორ მესამედზე მეტი ვერ იტარებს ანტირეტროვირალურ მკურნალობას.
დაზუსტებული მონაცემების მიხედვით, ამჟამად მსოფლიოში სულ ცოტა 33 მილიონი ადამიანი შიდსის ვირუსის მატარებელია. მეცნიერთა შეშფოთებას იწვევს ის ფაქტი, რომ აივ-ინფექციით დასუსტებული იმუნური სისტემის მქონე ავადმყოფებში მეორე სახიფათო ინფექციით, ტუბერკულოზით, დასნებოვნების რისკი 50-ჯერ მატულობს.
http://www.msnbc.msn.com
2008.06.12
