3 მილიონი შიდსით დაავადებული ადამინი იღებს სიცოცხლისთვის აუცილებელ წამალს
ჯანმრთელობის მსოფლიო ორგანიზაციის, UNAIDS და UNICEF-ის ახალი, ერთობლივი მოხსენების მიხედვით, დაახლოებით 3 მილიონი ადამიანი იტარებს ანტირეტროვირალურ თერაპიას დაბალ- და საშუალოშემოსავლიან ქვეყნებში. ეს უთუოდ მნიშვნელოვანი ნაბიჯია აივ/შიდსის ეპიდემიის წინააღმდეგ ბრძოლის ისტორიაში, თუმცა, პრევენცია და მკურნალობა ჯერ კიდევ ხელმიუწვდომელია მილიონებისთვის. მოხსენებაში განსაკუთრებით ხაზგასმულია ის ფაქტი, რომ დედიდან ნაყოფზე ინფექციის გადაცემის პრევენციის მიზნით, ქალებისთვის ანტირეტროვირალური მკურნალობა ხელმისაწვდომობა იზრდება.
მოხსენება ”უნივერსალური ხელმისაწვდომისკენ: ჯანდაცვის სექტორში აივ/შიდსის წინაარმდეგ ბრძოლის პრიორიტეტულობის გაზრდა” სხვა მიღწევებზეც ამახვილებს ყურადღებას. იგი მოიცავს დედიდან-ბავშვზე ინფექციის გადაცემის პრევენციის, აივ-ინფექციაზე ტესტირებისა და კონსულტაციების და ეპიდემიით განსაკუთრებულად დამძიმებულ აფრიკის სუბ-საჰარულ რაიონებში მამაკაცთა წინდაცვეთის პროცედურების წარმოების ღონისძიებების გაფართოებას.
”ეს საზოგადოებრივი ჯანდაცვის მნიშვნელოვანი წარმატებაა - განაცხადა ჯანმოს გენერალურმა დირექტორმა მარგარეტ ჩენმა - პასუხისმგებლობის შეგნება და მიზნისკენ შეუპოვარი სწრაფვა ნებისმიერ პრობლემას გადაწყვეტს. ადამიანები, რომლებიც ცხოვრობენ შეზღუდული რესურსების პირობებში, ამ მედიკამენტების დახმარებით დაუბრუნდებიან ეკონომიკური და სოციალური თვალსაზრისით პროდუქტიულ ცხოვრებას.”
http://www.who.int
2008.06.03
