რანდომიზებულმა კვლევამ აჩვენა, რომ ფოლიუმის მჟავისა და B-ჯგუფის ვიტამინების (B6, B12) მიღებით არ მცირდება გულ-სისხლძარღვთა გართულებების რისკი ქალებში, მიუხედავად იმისა, აქვთ თუ არა მათ ანამნეზში გულ-სისხლძარღვოვანი დაავადებები.
კრისტინ ალბერტმა და მისმა კოლეგებმა ქალთა ჰოსპიტალიდან ბოსტონში, მასაჩუსეტსში, ჩაატარეს კვლევა, რომელშიც მონაწილეობდა 42 წელს გადაცილებული 5442 ქალი. პაციენტების ერთ ნაწილს ჰქონდა გულის იშემიური დაავადება, ხოლო მეორე ნაწილს კი 3 და მეტი რისკ-ფაქტორი. ისინი რანდომიზებულად დაყვეს ორ ჯგუფად: პირველი ჯგუფი იღებდა კომბინირებულ აბებს, რომლებიც შეიცავდა 2,5მგ ფოლიუმის მჟავას, 50მგ B6 ვიტამინს და 1მგ B12 ვიტამინს, ხოლო მეორე ჯგუფი კი იღებდა პლაცებოს. კვლევა 7,3 წლის მანძილზე გრძელდებოდა.
იმ ქალებში, რომლებიც იღებდნენ ვიტამინებს, აღინიშნა პლაზმაში ჰომოცისტეინის დონის სარწმუნო მომატება 18,5%-ით. მიოკარდიუმის ინფარქტი, ინსულტი, კორონარული რევასკულარიზაცია და გულ-სისხლძარღვოვანი მიზეზით გამოწვეული სიკვდილი დაფიქსირდა ვიტამინებით მკურნალობაზე მყოფთა 14,9%-ში, ხოლო საკონტროლო ჯგუფში კი ეს პროცენტული მაჩვენებელი 14,3%-ს უდრიდა.
კვლევის ავტორები მივიდნენ იმ დასკვნამდე, რომ B-ჯგუფის ვიტამინები და ფოლიუმის მჟავა არ წარმოადგენს გულ-სისხლძარღვთა დაავადებების პროფილაქტიკურ საშუალებებს ზ. ა. კატეგორიის ქალებში.
კვლევა გამოქვეყნდა ჟურნალში “JAMA”.
http://www.medlinks.ru
2008.05.13
