კანადელი მეცნიერების აზრით, წელის მიდამოში არსებულ ცხიმოვან დაგროვებას შეუძლია თვითონვე გამოყოს ნივთიერება, რომელიც ხელს უწყობს მადის გაძლიერებას.
მეცნიერების მიერ ვირთხებზე ჩატარებული კვლევების შედეგად დადგინდა, რომ იმ ცხოველებში, რომლებსაც აღენიშნებათ ორგანიზმში ცხიმოვანი ქსოვილის ჭარბი რაოდენობა, მეტი რაოდენობით გამომუშავდება Y ნეიროპეპტიდი, რომელიც ასტიმულირებს მადას. ადრე ითვლებოდა, რომ Y ნეიროპეპტიდი მხოლოდ ტვინში გამომუშავდება.
ასევე აღმოჩნდა, რომ Y ნეიროპეპტიდი ხელს უწყობს ცხიმოვანი უჯრედების წინამორბედი უჯრედების განვითარებას, რომელიც შემდგომში გადაიქცევა ჩვეულებრივ ცხიმოვან უჯრედებად. ამრიგად, ეს პროცესი ემსგავსება ჩაკეტილ წრეს: ზედმეტი ცხიმი თვითონვე იწვევს ზედმეტი ცხიმის დაგროვებას.
მართალია, კვლევები ტარდებოდა ცხოველებზე, მათი ავტორი Kalping Yang (დასავლეთ ონტარიოს უნივერსიტეტი, კანადა) თვლის, რომ მსგავსი მექანიზმი შეიძლება ადამიანებშიც მუშაობდეს.
თეორიულად, Y ნეიროპეპტიდი, რომელიც სინთეზირებულია ცხიმოვანი უჯრედების მიერ, შეიძლება მოხვდეს ტვინში და გამოიწვიოს შიმშილის შეტევა. Kalping Yang და მისი კოლეგები გეგმავენ უახოეს მომავალში ამ თეორიის შემოწმებას.
ახალი მონაცემები შეიძლება საფუძვლად დაედოს სიმსუქნის მკურნალობის ახალი რევოლუციური მეთოდების შემუშავებას. ზემოქმედება ცხიმოვან ქსოვილზე, რომელიც გამოყოფს Y ნეიროპეპტიდს, ბევრად უფრო ადვილია, ვიდრე ტვინზე ზემოქმედება. მაგ. შესაძლებელია მომავალში შეიქმნას ისეთი ნივთიერება, რომელიც მოახდენს ნეიროპეპტიდის ბლოკირებას და შეყვანილი იქნას ცხიმოვან ქსოვილში ან შეიზილოს კრემის სახით კანში.
http://www.medlinks.ru
2008.05.08
