მეცნიერთა საერთაშორისო ჯგუფმა მასშტაბური კვლევის შედეგად აღმოაჩინა გენეტიკური თანმიმდევრობა, რომელიც ხელს უწყობს წონაში მატებას. მუტანტური გენების მატარებელი ადამიანები საკმაოდ ბევრნი არიან: ფაქტიურად ის აღმოაჩნდა ბრიტანელთა თითქმის ნახევარს, იტყობინება ჟურნალი “Nature Genetics”.
ეს აღმოჩენა ეკუთვნის ოქსფორდის უნივერსიტეტის მკვლევარებს, რომლებიც თანამშრომლობდნენ ამერიკელ, ფრანგ, იტალიელ, გერმანელ და ფინელ მენციერებთან. დნმ-ის სტრუქტურა გაანალიზდა 90 000 ადამიანში. მეცნიერებს აინტერესებდათ ქრომოსომის უბანი, რომელიც მდებარეობს გენ MC4R-ის გვერდით. ეს უკანასკნელი მონაწილეობას იღებს მადის რეგულაციასა და ენერგიის ხარჯვაში.
გამოვლინდა, რომ ზ. ა. გენეტიკური თანმიმდევრობის ორი ასლის მატარებელი ადამიანები საშუალოდ 2-3კგ-ით მეტს იწონიან იმ პირებთან შედარებით, რომლებიც არ არიან სიმსუქნისადმი მიდრეკილნი. ამ გენეტიკური ვარიანტისა და ადრე აღმოჩენილი გენის (FTO) ერთდროულად მატარებელნი 4კგ-ით მეტს იწონიან, ვიდრე სიმსუქნისადმი მემკვიდრეობითი განწყობის არმქონე ადამიანები.
MC4R-გენში არსებული მუტაცია, რომელიც საკმაოდ იშვიათია, იწვევს მემკვიდრეობითი სიმსუქნის მძიმე ფორმებს. გენეტიკური თანმიმდევრობები, რომლებიც აღმოჩენილ იქნა მეცნიერების მიერ, განლაგებულია ამ გენთან ახლოს. მკვლევარები ვარაუდობენ, რომ სწორედ ეს თანმიმდევრობები განაპირობებენ სხეულის მასის ინდექსის მატებას. მიღებული მონაცემებით აიხსნება ის, თუ რატომ იმატებს ზოგიერთი ადამიანი ადვილად წონაში და რატომ უჭირს ზედმეტი წონის დაკლება სხვა ადამიანებისაგან განსხვავებით.
მომავალში ეს აღმოჩენა შესაძლოა გამოყენებულ იქნას სიმსუქნის სამკურნალო ახალი მეთოდების შემუშავებაში, ვარაუდობენ მეცნიერები.
http://www.medlinks.ru
2008.05.06
