აშშ მკვლევარებმა შეისწავლეს ჰომოსექსუალური მამაკაცები, რომლებიც ინფიცირებული იყვნენ ადამიანის იმუნოდეფიციტის და ჰერპესი-2-ის (სქესობრივი ჰერპესი) ვირუსებით. აღმოჩნდა, რომ შიდსის ვირუსის გადაცემის რისკი 16-ჯერ მაღალია, თუ აივ-მატარებელი ადამიანი ასევე ინფიცირებულია სქესობრივი ჰერპესის ვირუსით. სხვა კვლევებმაც დაადასტურეს, რომ ჰერპესი ხელს უწყობს აივ-ინფექციის გადატანას ერთი ადამიანიდან მეორეზე.
კალიფორნიის უნივერსიტეტის მეცნიერებმა შეისწავლეს ამ მამაკაცების პარტნიორებიც, რომლებიც სულ ცოტა ხნის წინ გახდნენ აივ-ინფიცირებულნი. შემდეგ მათ ჩაატარეს ვირუსის სპეციალური გენეტიკური ანალიზი, რათა დაედგინათ, კონკრეტულად რომელი მეწყვილესგან მოხდა ვირუსის გადაცემა.
ამავდროულად ტარდებოდა ანალიზი ჰერპეს-2-ზე, სიფილისზე, გონორეასა და ქლამიდიოზზე. ბაქტერიული ინფექციის არსებობა ზრდიდა აივ-ის გადაცემის რისკს 50%-ით. თუმცა, უმეტესწილად, რისკი დაკავშირებული იყო ჰერპესი-2-ის არსებობასთან. თუ აივ-ინფიცირებული ადამიანი ამავდროულად იყო სქესობრივი ჰერპეს-ვირუსის მატარებელიც, შიდსის ვირუსის გადაცემის ალბათობა 16-ჯერ იზრდებოდა.
განსხვავებით სხვა სქესობრივი ინფექციებისგან, ჰერპესი სრულად არ იკურნება. დღესდღეობით არსებული მკურნალობის მეთოდი მხოლოდ აქვეითებს ვირუსის უარყოფით მოქმედებას ორგანიზმზე, ხელს უშლის რა ინფექციის გამოვლინებას – სპეციფიურ წყლულოვან წარმონაქმნებს გენიტალიებისა და ანუსის მიდამოში. მიუხედავად ამისა, მეცნიერები დარწმუნებული არიან, რომ ჰერპესის საწინააღმდეგო პრეპარატების მიღება შეამცირებს ადამიანის იმუნოდეფიციტის ვირუსის გადაცემის შემთხვევებს.
http://www.aids.ru
2008.02.14
