ნიუკასლის უნივერსიტეტის თანამშრომლებმა პირველებმა მიიღეს ადამიანის სიცოცხლისუნარიანი ემბრიონები, რომლებიც შეიცავდნენ სამი ”მშობლის”, ორი ქალისა და ერთი მამაკაცის, მემკვიდრეობით მასალას. მეცნიერები ცდილობენ მიიღონ ახალი მეთოდიკის მედიცინაში გამოყენების უფლება: კვერცხუჯრედების ჰიბრიდიზაცია თავიდან აგვაცილებს მთელი რიგი მძიმე მემკვიდრეობითი დაავადებების მქონე ბავშვების დაბადებას.
საქმე ეხება პათოლოგიების ჯგუფს, რომელიც დაკავშირებულია მიტოქონდრიების მუტაციასთან. მიტოქონდრიები - ეს არის უჯრედის ორგანოიდები, რომლებიც პასუხისმგებელნი არიან ენერგიის გამომუშავებაზე. მათ გააჩნიათ საკუთარი გენომი და მათში აღმოცენებული გენეტიკური ჩავარდნები შემდეგ მემკვიდრეობით გადაეცემა დედის ხაზით - კვერცხუჯრედის ციტოპლაზმასთან ერთად.
მიტოქონდრიების ფუნქციის დარღვევა იწვევს გონებრივ ჩამორჩენილობას, მძიმე ნევროლოგიურ გართულებებს, კუნთების პროგრესირებად დისტროფიას, დიაბეტს, მხედველობის დაკარგვას და სიყრუეს. დიდ ბრიტანეთში აღრიცხულია ასეთი დაავადებების მქონე ბავშვების დაბადების რისკის მქონე ასობით ოჯახი.
ანომალური მიტოქონდრიების დამემკვიდრების გამორიცხვა შეიძლება, თუკი მიტოქონდრიული მუტაციის მატარებელი განაყოფიერებული კვერცხუჯრედის ბირთვი გადატანილი იქნება ჯანმრთელი ქალის მიერ მოწოდებულ დონორულ კვერცხუჯრედში. ამრიგად, ქრომოსომებში არსებული მთელი მემკვიდრეობითი ინფორმაცია გადაეცემა ბავშვს დედისა და მამისაგან, ხოლო მისი მიტოქონდრიები იქნება დონორი-ქალის მიტოქონდრიების გენეტიკურად იდენტური.
ასეთი პროცედურის დახმარებით მკვლევარებმა პროფესორ დუგა ტორნბულას ხელმძღვანელობით შექმნეს ადამიანის 10 ემბრიონი და ისინი მიიყვანეს განვითარების 5-დღიან სტადიამდე. უფრო ადრე ამნაირადვე მოდიფიცირებული თაგვის ემბრიონები იმპლანტირებული იქნა თაგვის საშვილოსნოში, რის შემდეგაც ქვეყანას მოევლინა ჯანმრთელი თაობა.
ამჟამად მეცნიერები ცდილობენ მიიღონ სანქცია მათ მიერ შემუშავებული მეთოდიკის კლინიკურ პრაქტიკაში დანერგვაზე. თუკი ასეთი გადაწყვეტილება მიღებული იქნა, დიდ ბრიტანეთში სამი ”მშობლისაგან” გაჩენილი პირველი ბავშვები ქვეყანას უახლოეს სამ წელიწადში მოევლინება.
http://Medportal.ru
2008.02.06
