ავსტრალიელმა რობერტ დუგლასმა (Australian National University) და ჰარი ჰემილემ ჰელსინკიდან (University of Helsinki) გაანალიზეს რა 1940 წლიდან 2004 წლის ჩათვლით ჩატარებული 55 კვლევის შედეგები, გააკეთეს დასკვნა, რომ C ვიტამინის რეგულარული მიღება არ გვიცავს გაცივებისაგან.
C ვიტამინის გამოყენება გაცივების პროფილაქტიკის მიზნით პოპულარული გახდა 1970 წლიდან ლაინუს პოლინგის, ნობელის პრემიის ლაურეატის წიგნის “C ვიტამინი და გაცივება” ( "Vitamin C and the Common Cold”) გამოსვლის შემდეგ.
მეცნიერებმა ეჭვი შეიტანეს C ვიტამინის ეფექტურობაში და ამოიღეს არქივებიდან ჩატარებული კვლევების მონაცემები. ამ კვლევებში 200მგ C ვიტამინის ყოველდღიური მიღება შედარებული იყო პლაცებოსთან. აღმოჩნდა, რომ სულ მცირე, 23 კვლევის შედეგებით, C ვიტამინი არ ამცირებს გაცივების რისკს. მაგრამ, ასევე, აღმოჩნდა, რომ C ვიტამინი ამცირებს დაავადების ხანგრძლივობას, როგორც მოზრდილებში, ასევე ბავშვებში, - იუწყებიან მეცნიერები.
“ჩვენ არ გვესმის, თუ რატომ იძლევა ეს ვიტამინი პროფილაქტიკურ ეფექტს ადამიანთა მცირე ნაწილში მაშინ, როცა მოსახლეობის მნიშვნელოვან ნაწილში ის ეფექტს არ ახდენს”, - აღიარებს დუგლასი.
უნდა აღინიშნოს, რომ არსებობს იმის დამადასტურებელი ფაქტები, რომ C ვიტამინი გვიცავს თამბაქოს პასიური მოხმარებისაგან. გამოითქვა ასევე ვარაუდი, ანტიოქსიდანტების შემცველი ვიტამინებისა და საკვები დანამატების შესაძლო უეფექტობის შესახებ.
http://mignews.com
2005.06.30
