"საპატრიარქოს წმიდა იოაკიმესა და ანას სახელობის სამედიცინო ცენტრში ყოველი თვის ბოლო შაბათს უფასო სამეანო-გინეკოლოგიური გასინჯვების აქციები იმართება. აღნიშნული კლინიკის სამეანო-გინეკოლოგიური დეპარტამენტის ხელმძღვანელის, პლატონ მაჭავარიანის განცხადებით, 10.00 საათიდან 14.00 საათამდე ნებისმიერი მსურველი სამეანო-გინეკოლოგიურ და ულტრაბგერით გამოკვლევებს უფასოდ მიიღებს", - აცხადებენ კლინიკაში.
მათივე განმარტებით, დაინტერესებულმა პაციენტმა უნდა დარეკოს ტელეფონის ნომრებზე 275-25-60; 275-57-57.
"წინასწარი ჩაწერის საფუძველზე ჩვენ მოვემსახურებით უფასოდ. ეს აქცია უკვე ტრადიციულია და პაციენტებს გამოკვლევებისთვის ყოველი თვის ბოლო შაბათს უფასოდ მოვემსახურებით", - განაცხადა პლატონ მაჭავარიანმა.
საპატრიარქოს წმიდა იოაკიმესა და ანას სახელობის სამედიცინო ცენტრის მისამართია: ორთაჭალა, ვახტანგ გორგასლის 95.