მე-20 საუკუნის ორმოციან წლებში ცნობილმა ქირურგმა ბენედიქტე მაღლაკელიძემ განსაკუთრებული სახეობის თაფლისგან შექმნა ნატურალური, ეკოლოგიურად სუფთა პრეპარატი “კამელინი”. პრეპარატმა გაიარა ექსპერიმენტული და კლინიკური კვლევის ხანგრძლივი გზა, რის შედეგადაც დადგინდა მისი იმუნომოდულატორული, ანტიოქსიდანტური და ანთების საწინააღმდეგო მოქმედება. “კამელინის” გამოყენების სფეროს გაფართოების მიზნით მუდმივად მიმდინარეობს პრეპარატის ეფექტურობის დამადასტურებელი კვლევები. 2010 წლის 12 დეკემბერს “შერატონ მეტეხი პალასში” კომპანია “კამელინმა” გამართა კონფერენცია თემაზე “სიცოცხლე კამელინთან ერთად”. კონფერენციაზე კომპანიის დირექტორმა, სამეცნიერო პროექტების ხელმძღვანელმა, ბიოლოგიის მეცნიერებათა დოქტორმა კობა გურიელიძემ ისაუბრა კლინიკურ-ექსპერიმენტული კვლევების შედეგებზე საზღვარგარეთის უდიდეს სამეცნიერო და სამედიცინო ცენტრებში (კანადის, კვებეკის, ილიონისის, ბერნის, როსტოკის უნივერსიტეტებში), სადაც ნათლად დადასტურდა “კამელინის”უნიკალური იმუნომოდულატორული, ანტისიმსივნური, ანტიბაქტერიული, ანტივირუსული, ანტიანთებითი, ანტიპარაზიტული (ლეიშმანიოზი, სალმონელოზი, ქლამიდიოზი, ამებიაზი) და სხვა თვისებები. ამ კვლევების საფუძველზე “კამელინმა” მოიპოვა საერთაშორისო აღიარება. კონფერენციას ესწრებოდნენ მედიკოსები, რომლებიც უკანასკნელ პერიოდში აქტიურად იყვნენ ჩართული პრეპარატ “კამელინის” სამეცნიერო-კლინიკურ კვლევებში.