არასამთავრობო ორგანიზაცია "ექიმთა კავშირის" ორგანიზებით, 6 და 7 ივნისს კიბოს საწინააღმდეგო აქცია გაიმართება.
როგორც ორგანიზაციის პრეზიდენტმა თორნიკე ბიძინაშვილმა განაცხადა, აქცია განხორციელდება 6 ივნისს, 11:00 საათზე, მელიქიშვილის ქუჩაზე, ხოლო 7 ივნისს, იმავე დროს მეტროპოლიტენ "რუსთაველის" მიმდებარე ტერიტორიაზე.
აქცია საგანმანათლებლო ხასიათისაა და მასში მონაწილეობას მიიღებენ კვალიფიციური ექიმი ონკოლოგები. კიბოს პირველად პრევენციასთან დაკავშირებით ჩაატარებენ სათანადო კონსულტაციას და ასევე ამ დაავადებასთან დაკავშირებულ ყველა შეკითხვას უპასუხებენ. ამ პროცესში ასევე მონაწილეობას მიიღებს ჩვენს ორგანიზაციაში კიბოს პრევენციის კომიტეტის თავმჯდომარე და კოორდინატორი, მედიციცინის მეცნიერებათა დოქტორი ასოცირებული პროფესორი პაატა ხორავა.
აქციის განმავლობაში დარიგდება სააგიტაციო ბროშურები და ფურცლები.
ბიძინაშვილის თქმით, საქართველოში სტატისტიკური მონაცემებით კიბოთი დაღუპულთა რიცხვი პირველ ადგილზეა და ეს მაჩვენებელი პროგრესირებს.
არასამთავრობო ორგანიზაცია "ექიმთა კავშირი"
2009.06.03
